മനാമ: ബഹ്റൈൻ കേരളീയ സമാജം “കേരളോത്സവം 2025″ ൽ ചടുതതാളങ്ങളുമായി വേദിയിലെത്തി കാണികൾക്ക് ആവേശം വാരി വിതറിയ സിനിമാറ്റിക് ഡാൻസ് മത്സര വിജയികളെ പ്രഖ്യാപിച്ചു. വാശിയേറിയ മത്സരത്തിൽ സിതാര ശ്രീധരൻഒന്നാം സ്ഥാനവും, അളഗ മിലൻ രണ്ടാം സ്ഥാനവും, അഞ്ജു ജയൻ മൂന്നാംസ്ഥാനവും സ്വന്തമാക്കി.
കേരളോത്സവം 2025 ന്റെ ഭാഗമായുള്ള വനിതകളുടെ ഫിലിം സോങ്, ലൈറ്റ് മ്യൂസിക്, പുരുഷന്മാരുടെ ഫിലിം സോങ്, ലൈറ്റ് മ്യൂസിക്, ഇംഗ്ലീഷ് പ്രസംഗം തുടങ്ങിയ മത്സരങ്ങൾ ഇന്ന് (ഫെബ്രവരി 4 ന്) വെള്ളിയാഴ്ച സമാജം പി . വി. ആർ ,ബാബുരാജ് ഹാളുകളിലായി നടക്കും. മുൻപ് നടന്ന വിവിധ മത്സര ഫലങ്ങൾ കഴിഞ്ഞ ദിവസങ്ങളിൽ പ്രഖ്യാപിച്ചിരുന്നു.
ബഹ്റൈൻ കേരളീയ സമാജം കുടുംബാംഗങ്ങളുടെ കലാ–സാംസ്കാരിക–സാഹിത്യ വാസനകൾ പരിപോഷിപ്പിക്കുക എന്ന ലക്ഷ്യവുമായി 2000ലാണ് ആദ്യമായി കേരളോത്സവത്തിന് തുടക്കമിട്ടത് സമാജംഅംഗങ്ങൾക്കും 18 വയസ്സ് തികഞ്ഞ കുടുംബാംഗങ്ങൾക്കും പങ്കെടുക്കാവുന്ന തരത്തിൽ ഒരുക്കിയിരിക്കുന്ന കേരളോത്സവത്തിൽ നിരവധിവ്യക്തിഗത–ഗ്രൂപ്പ് മത്സരങ്ങളാണ് ഇത്തവണയും നടന്നു വരുന്നത്. ഈമാസം 19ന് തുടക്കമായ കേരളോത്സവത്തിൻ്റെ ഭാഗമായി 1500ൽ അധികം വരുന്നഅംഗങ്ങളെയും അവരുടെ കുടുംബാംഗങ്ങളെയും ഹിന്ദോളം, അമൃതവർഷിണി, മേഘമൽഹാർ, നീലാംബരി, ഹംസധ്വനിഎന്നിങ്ങനെ അഞ്ചുഗ്രൂപ്പുകളായി തിരിച്ചാണ്ഇത്തവണത്തെ പരിപാടികൾ നടന്ന് വരുന്നത്. ഫെബ്രുവരിമാസം അവസാനം വരെ പരിപാടികൾ നീണ്ടുനിൽക്കും.
“എൺപതുകളുടെ ഓളവും എൺപതോളംരുചികളും” എന്നടാഗ് ലൈനിൽ കേരളീയ സമാജത്തിൽ ഇത്തവണ നടന്ന് വരുന്ന കേരളോത്സവത്തിലെ ഏറ്റവും ആകഷണീയമാകുന്ന‘എൺപതോളം.’ എന്ന മെഗാരുചിമേള ഫെബ്രുവരി 21ന് നടക്കും. ഈ പരിപാടിയിൽ എൺപത്കാലഘട്ടത്തിലെ ഭക്ഷണം ,വസ്ത്ര ധാരണം, സംഗീതം തുടങ്ങിയ വിവിധ മേഖലകളെ പുതിയ തലമുറയ്ക്ക് വളരെ അടുത്ത് പരിചയപ്പെടുവാനും അവസരം ഒരുക്കും വിധത്തിലാണ് നടത്തുക. ഒപ്പം തന്നെ ഇവയുമായി ബന്ധപ്പെട്ട മത്സരങ്ങളും നടക്കും.സമ്മാന ദാനവും നടക്കും.
ആഷ്ലി കുര്യൻ ജനറൽ കൺവീനറായും വിപിൻ മോഹൻ, ശ്രീവിദ്യ വിനോദ്, സിജിബിനു എന്നിവർജോയിന്റ്കൺവീനർമാരായും, സമാജം സാഹിത്യവിഭാഗംസെക്രട്ടറിവിനയചന്ദ്രൻ നായർ എക്സ്ഒഫിഷ്യോയായും നയിക്കുന്ന ഇത്തവണത്തെ സംഘാടകസമിതിയിൽ അൻപതോളംഅംഗങ്ങളും ഊർജ്ജ്വസ്വലരായി പ്രവർത്തിച്ച് വരുന്നു.
