മനാമ: ബഹ്റൈൻ പ്രതിഭ സോക്കർകപ്പിൻ്റെ മൂന്നാം സീസൺ നാളെ ആരംഭിക്കും. മെയ് 15 വ്യാഴാഴ്ച വൈകുന്നേരം ഒമ്പത് മണിക്ക് സിഞ്ച് അൽ അഹലി ക്ലബ് ഗ്രൗണ്ടിൽ മൂന്നാം സീസണിലെ ആദ്യ മത്സരത്തിന് തുടക്കമാകും. മെയ് 15 ,16, 22, 23 തീയതികളിലായി നടക്കുന്ന ടൂർണമെന്റിൽ 16 സെമി – പ്രൊഫഷണൽ ടീമുകൾ പങ്കെടുക്കുന്നുണ്ടെന്ന് സംഘാടകർ അറിയിച്ചു.
ബഹ്റൈൻ പ്രതിഭ കേന്ദ്ര കായിക വേദി ബഹ്റൈൻ കെ എഫ് എ യുമായി ചേർന്ന് സംഘടിപ്പിക്കുന്ന പ്രതിഭ സോക്കർ കപ്പ് മൂന്നാം സീസണിന്റെ ഭാഗമായുള്ള ടീമുകളുടെ മീറ്റിംഗ് പ്രതിഭ ഹാളിൽ വച്ച് ചേർന്നു. പ്രസ്തുത ചടങ്ങിൽ വച്ച് സോക്കർകപ്പിന്റെ മുഖ്യപ്രായോജകരായ ഫർസാന ഗ്രൂപ്പിൻറെ മാനേജിങ് ഡയറക്ടർ രശ്മി രാമചന്ദ്രൻ ടൂർണമെന്റിലെ വിജയികൾക്കായുള്ള ട്രോഫികൾ പ്രകാശിപ്പിച്ചു. പ്രതിഭ വൈസ് പ്രസിഡണ്ടും സോക്കർകപ്പ് സംഘാടക സമിതി ജനറൽ കൺവീനറുമായ നൗഷാദ് പൂനൂർ സ്വാഗതം ആശംസിച്ച ചടങ്ങിന് പ്രതിഭ കേന്ദ്ര കായികവേദി കൺവീനർ ഷിജു അദ്ധ്യക്ഷത വഹിച്ചു. പ്രതിഭ രക്ഷാധികാരി കമ്മിറ്റി അംഗവും സോക്കർ കപ്പിൻ്റെ ചെയർപേഴ്സനുമായ രാജേഷ് ആറ്റടപ്പ , കായിക വേദി ചുമതലയുള്ള കേന്ദ്ര കമ്മറ്റി അംഗം ഗിരീഷ് മോഹനൻ , കെ എഫ് എ പ്രസിഡൻ്റ് അർഷാദ് അഹമ്മദ് , സെക്രട്ടറി സജാദ് സുലൈമാൻ എന്നിവർ ആശംസകൾ അർപ്പിച്ച് സംസാരിച്ചു. തുടർന്ന് ടൂർണമെന്റിന്റെ ഫിക്സച്ചർ ലോട്ടിംഗ് പ്രക്രിയ കേന്ദ്ര കമ്മറ്റി അംഗം റാഫിയും ഏകോപിപ്പിച്ചു. സംഘാടക സമിതി ജോയിൻ്റ് കൺവീനർ അഫീഫ് ചടങ്ങിന് നന്ദി രേഖപ്പെടുത്തി.
നാല് ദിവസങ്ങളിലായി നടക്കുന്ന ബഹ്റൈൻ പ്രതിഭ സോക്കർകപ്പ് സീസൺ 3ലെ മത്സരങ്ങൾ വീക്ഷിക്കുന്നതിനായി ബഹ്‌റൈനിലെ മുഴുവൻ സോക്കർ പ്രേമികളെയും സിഞ്ച് അൽ അഹലി ക്ലബ് ഗ്രൗണ്ടിലേക്ക് സ്വാഗതം ചെയ്യുന്നതായി സംഘാടകർ അറിയിച്ചു.
