മനാമ: സാമൂഹിക മുന്നേറ്റത്തിന് മൂല്യാധിഷ്ഠിത വിദ്യാഭ്യാസം അനിവാര്യമാണന്നും വിദ്യാഭ്യാസ സേവന രംഗത്ത് അഞ്ച് പതിറ്റാണ്ട് പൂർത്തിയാക്കിയ മർകസ് വിഭാവനം ചെയ്യുന്നത് ധാർമ്മികതയിലൂന്നിയ വിദ്യാഭ്യാസം, സഹവർത്തിത്വം, മതസൗഹാർദം എന്നിവയാണെന്നും മർകസ് പി. ആർ. ഒ. മർസൂഖ് സഅദി പാപ്പിനിശ്ശേരി പ്രസ്താവിച്ചു. മർകസ് ബഹ്റൈൻ സൗത്ത് സെൻട്രൽ ജനറൽ കൗൺസിലിന് നേതൃത്വം നൽകി സംസാരിക്കുകയായിരുന്നു അദ്ദേഹം.
സൽമാബാദ് സുന്നി സെന്ററിൽ നടന്ന സൗത്ത് സെൻട്രൽ ജനറൽ കൗൺസിൽ പി.എം. സുലൈമാൻ ഹാജിയുടെ അദ്ധ്യക്ഷതയിൽ ഐ.സി.എഫ്. ഇന്റർനാഷനൽ ഡപ്യൂട്ടി പ്രസിഡണ്ട് അഡ്വ: എം. സി. അബ്ദുൾ കരീം ഹാജി ഉദ്ഘാടനം ചെയ്തു. കൗൺസിലിൽ മർകസ് സൗത്ത് സെൻട്രൽ ഡയറക്ടറേറ്റ് പുന:സംഘടിപ്പിച്ചു.
ഭാരവാഹികൾ: ശംസുദ്ധീൻ സുഹ്‌രി ( പ്രസിഡണ്ട് ) ഫൈസൽ ചെറുവണ്ണൂർ.(ജനറൽ സിക്രട്ടറി) അബ്ബാസ് മണ്ണാർക്കാട് (ഫിനാൻസ് സിക്രട്ടറി) ഉമർ ഹാജി ചേലക്കര, ശിഹാബുദ്ധീൻ സിദ്ദീഖി, മുസ്ഥഫ സി വി വടകര, ഉമർ ഹാജി പെരുമ്പടപ്പ്, മൻസൂർ അഹ്സനി വടകര എന്നിവർ അസോസിയേറ്റ് പ്രസിഡണ്ടുമാരും ആസിഫ് നന്തി (റിഫ), അബ്ദുസ്സത്താർ (ഹമദ് ടൗൺ), ഹംസ ഖാലിദ് സഖാഫി (സൽമാബാദ്), അസ്മർ (സിത്ര ),, അബ്ദുൽ ഫത്താഹ് (ഇസാ ടൗൺ) എന്നിവർ ഏരിയാ സിക്രട്ടറിമാരുമാണ്. തൗഫീഖ് ബെൽതങ്ങാടി (ഇന്റർസ്റ്റേറ്റ് മെമ്പർ )
മർകസ് ബഹ്റൈൻ ചാപ്റ്റർ ഭാരവാഹികളായ അബ്ദുറഹിം സഖാഫി വരവൂർ, അബ്ദുൽ ഹകീം സഖാഫി കിനാലൂർ, ഐ.സി.എഫ് ഫിനാൻസ് സിക്രട്ടറി മുസ്ഥഫ ഹാജി കണ്ണപുരം, ഉസ്മാൻ സഖാഫി തളിപ്പറമ്പ്, ആർ. എസ്. സി. നാഷനൽ ചെയർമാൻ മൻസൂർ അഹ്സനി വടകര എന്നിവർ സംസാരിച്ചു. ഫൈസൽ ചെറുവണ്ണൂർ സ്വാഗതവും ഹംസ ഖാലിദ് സഖാഫി നന്ദിയും പറഞ്ഞു
