മനാമ: ബഹ്റൈൻ പ്രതിഭ മനാമ മേഖല സംഘടിക്കുന്ന സാംസ്കാരികോത്സവം ‘ദിശ 2025’ന്റെ ഗ്രാൻഡ് ഫിനാലെ നാളെ ( ജൂൺ 13 , വെള്ളി ) വൈകുന്നേരം 4 മണി മുതൽ അദ്‌ലിയയിൽ ഉള്ള ബാൻ സാങ് തായ് റെസ്റ്റോറന്റ് ഹാളിൽ നടക്കുമെന്ന് ഭാരവാഹികൾ അറിയിച്ചു.
ഗായിക രശ്മി സതീഷ് നയിക്കുന്ന സംഗീത നിശയും , സഹൃദയ നാടൻ പാട്ട് സംഘത്തിന്റെ നാടൻ പാട്ടുകളും , മെന്റലിസ്റ്റ് അശ്വത് സജിത്ത് അവതരിപ്പിക്കുന്ന മെന്റലിസം, ഒപ്പം മറ്റു കലാപരിപാടികളും ‘ദിശ 2025’ ഗ്രാൻഡ് ഫിനാലെയുടെ ഭാഗമായി അരങ്ങേറുമെന്നും മുഴുവൻ കലാസ്നേഹികളെയും സ്വാഗതം ചെയ്യുന്നതായും സംഘാടക സമിതി ചെയർമാൻ എൻ കെ വീരമണി , കൺവീനർ മനോജ് പോൾ , പ്രതിഭ മനാമ മേഖല സെക്രട്ടറി നിരൻ സുബ്രഹ്മണ്യൻ , ആക്ടിങ് പ്രസിഡണ്ട് റാഫി കല്ലിങ്കൽ എന്നിവർ വാർത്താകുറിപ്പിലൂടെ അറിയിച്ചു.
