പ്രവീണ് നാരായണന്റെ സംവിധാനത്തില് സുരേഷ് ഗോപിയും അനുപമ പരമേശ്വരനും മുഖ്യ വേഷത്തിലെത്തുന്ന കോര്ട്ട് റൂം ത്രില്ലര് ചിത്രമായ ‘ജെഎസ്കെ- ജാനകി vs സ്റ്റേറ്റ് ഓഫ് കേരള’യുടെ പ്രദര്ശനത്തിനാനുമതി നിഷേധിച്ച് സെല്സര് ബോര്ഡ്. ജൂണ് 27ന് സിനിമ റിലീസ് ചെയ്യാനിരിക്കെയാണ് റിലീസ് അനുമതി നിഷേധിച്ചിരിക്കുന്നത്. സംവിധായകന് പ്രവീണ് നാരായണനാണ് ഇക്കാര്യം അറിയിച്ചിരിക്കുന്നത്. സിനിമ 27ന് തിയറ്ററുകളില് എത്തില്ലെന്നും സംവിധായകന് അറിയിച്ചു.
ജാനകി എന്ന പേര് സിനിമയില് നിന്നും മാറ്റണമെന്നാണ് സെന്സര് ബോര്ഡ് അണിയറ പ്രവര്ത്തകരോട് ആവശ്യപ്പെട്ടത്. ജാനകി എന്നത് ഹൈന്ദവ ദൈവത്തിന്റ പേരാണെന്നും പേര് മാറ്റണമെന്നുമാണ് സെന്സര് ബോര്ഡ് മുന്നോട്ട് വെച്ച നിര്ദ്ദേശം. കേന്ദ്രമന്ത്രികൂടിയായ സുരേഷ് ഗോപി നായകനായി എത്തുന്ന ചിത്രമാണ് ജെഎസ്കെ- ജാനകി vs സ്റ്റേറ്റ് ഓഫ് കേരള’. സുരേഷ് ഗോപി വിഷയത്തില് ഇതുവരെ പ്രതികരിച്ചിട്ടില്ല. ചിത്രത്തിന് നേരത്തെ യുഎ സര്ട്ടിഫിക്കറ്റ് ലഭിച്ചതായി അണിയറപ്രവര്ത്തകര് അറിയിച്ചിരുന്നു.
Also Read: മലയാളി കാണാതെ പോകരുത് ഈ സോഷ്യല് സറ്റയര്; വ്യസനസമേതം ബന്ധുമിത്രാതികള് റിവ്യുവുമായി എ എ റഹീം
അതേസമയം, പേര് മാറ്റാന് കഴിയില്ലെന്ന നിലപാടില് ആണ് നിര്മ്മാതാക്കള്. ഇതോടെയാണ് സെന്സര് ബോര്ഡ് പ്രദര്ശനാനുമതി നല്കിയില്ലെന്ന തീരുമാനത്തിലെത്തിയത്. അതേസമയം, ചിത്രത്തിന്റെ സര്ട്ടിഫിക്കേഷന് നേരത്തെ പൂര്ത്തിയായിരുന്നു. U/A 13+ റേറ്റിങ് ആയിരുന്നു സിനിമയ്ക്ക് ലഭിച്ചിരിക്കുകയാണ്. ചിത്രത്തിന് ഒരു കട്ട്സ് പോലുമില്ലാതെ മികച്ച അഭിപ്രായമാണ് സെന്സര് ബോര്ഡ് നല്കിയത്. കാര്ത്തിക് ക്രിയേഷന്സുമായി സഹകരിച്ച് കോസ്മോസ് എന്റര്ടൈന്മെന്റ് നിര്മ്മിക്കുന്ന ചിത്രത്തിന്റെ നിര്മ്മാതാവ് ജെ ഫനീന്ദ്ര കുമാര് ആണ്.
The post ജാനകി എന്ന പേര് മാറ്റണം; ‘ജെ എസ് കെ’യുടെ പ്രദര്ശനാനുമതി നിഷേധിച്ച് സെന്സര് ബോര്ഡ് appeared first on Express Kerala.
