മനാമ. രാഷ്ട്രീയ, സാമൂഹിക സാംസ്‌കാരിക കേരളത്തിന്റെ രജത വിഹായസ്സില്‍ വെട്ടിത്തിളങ്ങിയ തേജസ്സായിരുന്നു മഹാനായ മർഹും പാണക്കാട് സയ്യിദ് മുഹമ്മദ്‌ അലി ശിഹാബ് തങ്ങളെന്ന് കെഎംസിസി ബഹ്‌റൈൻ സംസ്ഥാന കമ്മിറ്റി പാണക്കാട് സയ്യിദ് ഹൈദരലി ശിഹാബ് തങ്ങൾ ഓഡിറ്റോറിയത്തിൽ വെച്ച് നടത്തിയ അനുസ്മരണ സംഗമത്തിലെ പ്രാസംഗികർ പറഞ്ഞു.
സാധാരണക്കാരായ മനുഷ്യരുടെ ഹൃദയങ്ങളിൽ എത്ര ആഴത്തിലാണ് പാണക്കാട് സയ്യിദ് മുഹമ്മദലി ശിഹാബ് തങ്ങൾ നിറഞ്ഞിരിക്കുന്നത് എന്നതിന്റെ സാക്ഷ്യപ്പെടുത്തലായിരുന്നു തങ്ങൾ അനുസ്മരണം.
സംഘാടനത്തിന്റെ വ്യത്യസ്തത കൊണ്ട് വേറിട്ട അനുഭവമായി മാറുകയായിരുന്നു തങ്ങളോർമ്മയുടെ പതിനാറാണ്ട് എന്ന ഷീർഷകത്തിൽ സംഘടിപ്പിച്ച അനുസ്മരണ സംഗമം.
പതിത ലക്ഷങ്ങളുടെ പടത്തലവനായി പതറാത്ത മനസ്സുമായി ഈ കര്‍മ്മഭൂമിയെ ശാദ്വലമാക്കിയ യോദ്ധാവ് അസ്തമിച്ചിട്ട് പതിനാറു വർഷം പിന്നിടുമ്പോൾ നമ്മുടെ നാടും ജനതയും പ്രതിസന്ധിയുടെ ചുഴിയില്‍ കറങ്ങി നില്‍ക്കുമ്പോള്‍ ജനം തങ്ങളെ ഓര്‍ത്തു പോവുകയാണെന്ന് പ്രാസംഗികർ ചൂണ്ടികാട്ടി
കെഎംസിസി ബഹ്‌റൈൻ ജനറൽ സെക്രട്ടറി ശംസുദ്ധീൻ വെള്ളികുളങ്ങര അധ്യക്ഷനായി. സയ്യിദ് മുഹമ്മദലി ശിഹാബ് തങ്ങളെന്ന നിത്യ സ്‌നേഹത്തിന്റെ ഉറവ വറ്റാത്ത ആ വസന്തം നാമേവരിലും ഒരു നോവായി മാറിയിട്ട് പതിനാറ് വര്‍ഷങ്ങള്‍ കഴിഞ്ഞിരിക്കുന്നു.
ശിഹാബ് തങ്ങളെന്ന മഹാമാനുഷികതയുടെ അടയാളപ്പെടുത്തലുകളും അനുഭവങ്ങളും ഓര്‍മകളും പങ്കുവെച്ച സംഗമത്തിൽസയ്യിദ് ഫക്രുദ്ധീൻ തങ്ങൾ (പ്രസിഡന്റ്‌, സമസ്ത ബഹ്‌റൈൻ),അഡ്വ. ബിനു മണ്ണിൽ (ചെയർമാൻ, ഇന്ത്യൻ സ്കൂൾ)
അസ്സൈനാർ കളത്തിങ്കൽ (സെക്രട്ടറി, വേൾഡ് കെഎംസിസി),രാജു കല്ലുമ്പുറം (പ്രസിഡന്റ്‌, ഒ ഐ സി സി),എസ് വി ബഷീർ,അസ്‌ലം വടകര (വൈസ് പ്രസിഡന്റ്‌, കെഎംസിസി),പ്രദീപ്‌ പുറവങ്കര (മാധ്യമ പ്രവർത്തകൻ),ഷിബിൻ തോമസ് (പ്രസിഡന്റ്‌, ഐ വയ് സി സി),ഡോക്ടർ ചെറിയാൻ,സജിത്ത് വെള്ളികുളങ്ങര (നൗക ബഹ്‌റൈൻ),ബദറുദ്ധീൻ പൂവാർ (ഫ്രണ്ട്‌സ് അസോസിയേഷൻ) എന്നിവർ അനുസ്മരണ പ്രസംഗം നടത്തി.
ഓർഗനൈസിങ് സെക്രട്ടറി ഗഫൂർ കൈപ്പമംഗലം സ്വാഗതവും വൈസ് പ്രസിഡന്റ്‌ എൻ കെ അബ്ദുൽ അസീസ് നന്ദിയും പറഞ്ഞു.
സൽമാനുൽ ഫാരിസ്, ബിനു കുന്നന്താനം, റംഷാദ് ഐലക്കാട്, അശ്വതി, കെ എം എസ് മൗലവി, റസാക്ക് മൂഴിക്കൽ, ജവാദ് വക്കം ,ഫാസിൽ വട്ടോളി ,റഷീദ് മാഹീ
എന്നിവർ സന്നിഹിതരായിരുന്നു.
കൂടാതെ സംസ്ഥാന ഭാരവാഹികളായ
ഷാഫി പറക്കട്ട, എ പി ഫൈസൽ, അഷ്‌റഫ്‌ കക്കണ്ടി, ഫൈസൽ കോട്ടപ്പള്ളി, ഫൈസൽ കണ്ടിതാഴ, അഷ്‌റഫ്‌ കാട്ടിൽ പീടിക എന്നിവർ നേതൃത്വം നൽകി.
