കുവൈത്ത്: കുവൈത്തിൽ ഇന്ന് മുതൽ മൂന്ന് ദിവസത്തേക്ക് പബ്ലിക് അതോറിറ്റി ഫോർ സിവിൽ ഇൻഫർമേഷൻ (പാസി) വെബ്സൈറ്റിലെയും സഹേൽ ആപ്ലിക്കേഷനിലേയും സേവനങ്ങൾ താൽക്കാലികമായി ലഭിക്കില്ലെന്ന് അധികൃതർ അറിയിച്ചു. വെബ്സൈറ്റ് മെയിന്റനൻസും ആപ് അപ്ഡേഷനുകളും നടക്കുന്നതിനെ തുടർന്നാണ് തടസ്സം. കൂാടതെ അടിയന്തര ഇടപാടുകൾ നേരത്തെ പൂർത്തിയാക്കണമെന്ന് അധികൃതർ വ്യക്തമാക്കിയിട്ടുണ്ട്. സിവിൽ ഐഡിയുമായി ബന്ധപ്പെട്ട സേവനങ്ങളാണ് പാസി നൽകുന്നത്.
ഇക്കാലയളവിൽ എക്സിറ്റ് പെർമിറ്റ് സേവനങ്ങൾ ലഭിക്കില്ലെന്ന തരത്തിൽ സമൂഹമാധ്യമങ്ങളിൽ പ്രചരിക്കുന്ന വാർത്തകൾ തെറ്റാണ്. എക്സിറ്റ് പെർമിറ്റ് നൽകുന്നത് സഹേൽ ആപ് മുഖേന പബ്ലിക് അതോറിറ്റി ഓഫ് മാൻപവർ ആണ്. എന്നാൽ അതോറിറ്റിയോ സഹേൽ അധികൃതരോ ഓഗസ്റ്റ് 20 മുതൽ 22 വരെ പെർമിറ്റ് ലഭിക്കില്ലെന്ന് പ്രഖ്യാപിച്ചിട്ടില്ല. എന്നാൽ അപ്ഡേഷൻ നടക്കുന്നതിനാൽ തടസ്സം നേരിട്ടേക്കാം.
The post കുവൈത്തിലെ പാസി സേവനങ്ങൾ മൂന്ന് ദിവസം തടസ്സപ്പെടും appeared first on Express Kerala.
