കൊച്ചി: ശബരിമലയില്‍ ഭക്തജനങ്ങളെ കൊളളയടിച്ചിട്ട് അത് ചര്‍ച്ചയാകില്ലെന്ന് പറയുന്നവര്‍ ഇരുട്ടുകൊണ്ട് ഓട്ടയടിക്കുകയാണെന്ന് ചാണ്ടി ഉമ്മന്‍ എംഎല്‍എ. തെരഞ്ഞെടുപ്പ് അടുക്കുമ്പോള്‍ ക്ഷേമപദ്ധതികള്‍ കൊണ്ടുവന്ന് ജനങ്ങളുടെ കണ്ണില്‍ പൊടിയിടാനുളള ശ്രമമാണ് നടക്കുന്നതെന്നും അത് കേരളത്തിലെ ജനങ്ങള്‍ തിരിച്ചറിയുമെന്നും അദ്ദേഹം പറഞ്ഞു. ശബരിമല സ്വര്‍ണക്കൊളള ജനം ചര്‍ച്ച ചെയ്യുക തന്നെ ചെയ്യുമെന്നും ചാണ്ടി ഉമ്മന്‍ പറഞ്ഞു. ‘പത്തുവര്‍ഷം മുന്‍പ് ഇല്ലാത്തൊരു വിഷയത്തെ ചൊല്ലി കേരളമാകെ സ്തംഭിപ്പിച്ച് കേരളത്തില്‍ വലിയ കൊളള നടന്നെന്ന പേരില്‍ എല്‍ഡിഎഫ് നടത്തിയ സമരവും ചര്‍ച്ചയും ആരും മറന്നിട്ടില്ല. […]
