മലപ്പുറം വള്ളിക്കുന്ന് അരിയല്ലൂർ ഭാഗത്ത് സ്കൂട്ടറിൽ രാസലഹരി കടത്തുകയായിരുന്ന രണ്ട് യുവാക്കളെ എക്സൈസ് സംഘം പിടികൂടി. കൊടക്കാട് സ്വദേശി വി.പി. ഇഹ്സാനുൽ ബഷീർ (32), ചെട്ടിപ്പടി സ്വദേശി കെ.വി. നിഷാദ് (34) എന്നിവരാണ് അറസ്റ്റിലായത്. രഹസ്യവിവരത്തെ തുടർന്ന് നടത്തിയ പരിശോധനയിൽ സ്കൂട്ടറിനുള്ളിൽ ഒളിപ്പിച്ച നിലയിൽ 9.692 ഗ്രാം മെത്താംഫിറ്റമിൻ കണ്ടെടുത്തു. പരിശോധന കണ്ടു സ്കൂട്ടറുമായി രക്ഷപ്പെടാൻ ശ്രമിച്ച പ്രതികളെ എക്സൈസ് സംഘം സാഹസികമായി വളഞ്ഞാണ് പിടികൂടിയത്.
ചേളാരി, കൂട്ടുമുച്ചി, ചെട്ടിപ്പടി ഭാഗങ്ങളിൽ ലഹരി വിൽപന നടക്കുന്നുണ്ടെന്ന വിവരത്തെ തുടർന്ന് തിരൂരങ്ങാടി എക്സൈസ് സർക്കിൾ ഇൻസ്പെക്ടറുടെ നേതൃത്വത്തിലായിരുന്നു പരിശോധന. പിടിയിലായവരിൽ ഇഹ്സാനുൽ ബഷീർ നേരത്തെയും സമാനമായ ലഹരിക്കേസുകളിൽ പ്രതിയാണെന്ന് അധികൃതർ വ്യക്തമാക്കി. സി.ഐ എസ്. ഷാജിക്ക് പുറമെ അസിസ്റ്റന്റ് ഇൻസ്പെക്ടർ അരവിന്ദൻ, പ്രിവന്റീവ് ഓഫീസർ ദിലീപ് കുമാർ എന്നിവരടങ്ങുന്ന സംഘമാണ് ലഹരി വേട്ടയ്ക്ക് നേതൃത്വം നൽകിയത്.
The post രാസലഹരിയുമായി പാഞ്ഞ സ്കൂട്ടറിനെ വളഞ്ഞിട്ട് പിടിച്ച് എക്സൈസ്; മലപ്പുറത്ത് രണ്ട് യുവാക്കൾ അറസ്റ്റിൽ appeared first on Express Kerala.
