ടി20 ലോകകപ്പ് ആവേശത്തിലേക്ക് ലോകം ഉണരാൻ മണിക്കൂറുകൾ മാത്രം ബാക്കിനിൽക്കെ, ഓസ്ട്രേലിയൻ ടീമിന് ഇരട്ട പ്രഹരം. പരിക്കിൽ നിന്ന് പൂർണമായി മുക്തനാകാത്തതിനെത്തുടർന്ന് സൂപ്പർ പേസർ ജോഷ് ഹേസൽവുഡ് ടൂർണമെന്റിൽ നിന്ന് പുറത്തായി. കാലിലെ ഉപ്പൂറ്റിക്കേറ്റ പരിക്ക് ഗുരുതരമാണെന്ന് വ്യക്തമായതോടെയാണ് താരത്തെ ടീമിൽ നിന്ന് ഒഴിവാക്കാൻ ഓസ്ട്രേലിയൻ മാനേജ്മെന്റ് തീരുമാനിച്ചത്.
നേരത്തെ പുറംവേദനയെത്തുടർന്ന് മറ്റൊരു പ്രമുഖ പേസർ പാറ്റ് കമ്മിൻസും ടീമിൽ നിന്ന് പുറത്തായിരുന്നു. മിച്ചൽ സ്റ്റാർക്ക് അന്താരാഷ്ട്ര ക്രിക്കറ്റിൽ നിന്ന് വിരമിച്ചതിന് പിന്നാലെ മുൻനിര പേസർമാരായ കമ്മിൻസിനെയും ഹേസൽവുഡിനെയും നഷ്ടമായത് ഓസ്ട്രേലിയയുടെ ലോകകപ്പ് പ്രതീക്ഷകൾക്ക് വലിയ തിരിച്ചടിയാണ്. സൂപ്പർ 8 ഘട്ടത്തിൽ ഹേസൽവുഡ് തിരിച്ചെത്തുമെന്ന് പ്രതീക്ഷിച്ചിരുന്നെങ്കിലും പരിക്കിന്റെ തീവ്രത താരത്തെ പുറത്തുനിർത്തുകയായിരുന്നു.
Also Read: പ്രതിസന്ധികളെ സിക്സറടിച്ച് പറത്തി സ്മൃതി; ഇത് സ്മൃതിയുടെ മധുരപ്രതികാരം
നിലവിൽ നഥാൻ എല്ലിസ്, ടിം ഡേവിഡ് എന്നിവർ കായികക്ഷമത വീണ്ടെടുത്തത് മാത്രമാണ് ഓസീസിന് ആശ്വാസം നൽകുന്ന ഏക ഘടകം. പരിക്കിന്റെ ആശങ്കകൾക്കിടയിലും സ്പിന്നർ ആദം സാംപ അടുത്ത ആഴ്ച കൊളംബോയിൽ അയർലൻഡിനെതിരെ നടക്കുന്ന ആദ്യ മത്സരത്തിൽ കളിക്കുമെന്നാണ് റിപ്പോർട്ടുകൾ.
The post പേസ് പടയുടെ മുനയൊടിഞ്ഞു; ലോകകപ്പിന് തൊട്ടുമുമ്പ് തകർന്ന് ഓസ്ട്രേലിയൻ ബോളിങ് നിര appeared first on Express Kerala.
