കേന്ദ്രസർക്കാരിന്റെ തൊഴിലാളി വിരുദ്ധ നയങ്ങൾക്കെതിരെ നടക്കുന്ന ദേശീയ പണിമുടക്ക് ശക്തമായൊരു താക്കീതാണെന്ന് സി.ഐ.ടി.യു അഖിലേന്ത്യ ജനറൽ സെക്രട്ടറി എളമരം കരീം. വിവാദമായ ലേബർ കോഡുകൾ പൂർണ്ണമായും പിൻവലിക്കണമെന്നാണ് തൊഴിലാളികളുടെ പ്രധാന ആവശ്യം. രാജ്യവ്യാപകമായി നടക്കുന്ന ഈ സമരത്തിന് കോൺഗ്രസ് ദേശീയതലത്തിൽ പിന്തുണ പ്രഖ്യാപിച്ചിരുന്നെങ്കിലും, കേരളത്തിൽ വി.ഡി. സതീശന്റെ നേതൃത്വത്തിലുള്ള ജാഥ മാറ്റിവെക്കാതെ സമരത്തെ അപമാനിക്കുകയാണ് ചെയ്തതെന്ന് അദ്ദേഹം കുറ്റപ്പെടുത്തി.
ഐ.എൻ.ടി.യു.സിയെ കേരളത്തിലെ കോൺഗ്രസ് നേതൃത്വം വിലക്കിയതായും അദ്ദേഹം ആരോപിച്ചു. അതേസമയം, സംസ്ഥാനത്ത് പണിമുടക്ക് സമ്പൂർണ്ണമാണെന്നും കെ.എസ്.ആർ.ടി.സി ഉൾപ്പെടെയുള്ള സർവീസുകൾ മുടങ്ങിയതും കടകമ്പോളങ്ങൾ അടഞ്ഞുകിടക്കുന്നതും സമരത്തിന്റെ വിജയമാണെന്നും അദ്ദേഹം ചൂണ്ടിക്കാട്ടി. ജനങ്ങൾ ഒന്നടങ്കം സമരത്തോട് സഹകരിക്കുന്നുണ്ടെന്നും രാത്രി 12 മണി മുതൽ തന്നെ കേരളം സമരത്തെ നെഞ്ചിലേറ്റിയെന്നും എളമരം കരീം പറഞ്ഞു.
The post “ഈ പണിമുടക്ക് താക്കീത്; സമരത്തെ കോൺഗ്രസ് അപമാനിച്ചു” – എളമരം കരീം appeared first on Express Kerala.
