ബഹ്റൈൻ: ഇറാൻ്റെ മിസൈൽ ആക്രമണം പ്രതിരോധിക്കുന്നതിനിടെ അവശിഷ്ടങ്ങൾ കപ്പലിൽ തട്ടി തീ പിടിച്ചു; ബഹ്റൈനിൽ ഒരു ഏഷ്യൻ തൊഴിലാളി മരിച്ചു, രണ്ട് പേർക്ക് ഗുരുതര പരിക്ക്
സൽമാൻ ഇൻഡസ്ട്രിയൽ സിറ്റിയിൽ നങ്കൂരമിട്ടിരുന്ന ഒരു വിദേശ കപ്പലിനാണ് ഇന്ന് പുലർച്ചയോടെ ഇത്തരത്തിൽ തീപിടുത്തമുണ്ടായത്. ആകാശത്തുവെച്ച് തകർക്കപ്പെട്ട മിസൈലിന്റെ അവശിഷ്ടങ്ങൾ കപ്പലിൽ പതിച്ചതാണ് അഗ്നിബാധയ്ക്ക് കാരണമായതെന്ന് ആഭ്യന്തര മന്ത്രാലയം സ്ഥിരീകരിച്ചു.
അപകടത്തിൽ കപ്പലിലെ ജീവനക്കാരനായ ഒരു ഏഷ്യൻ തൊഴിലാളി മരിക്കുകയും മറ്റ് രണ്ട് പേർക്ക് ഗുരുതരമായ പരിക്കേൽക്കുകയും ചെയ്തു. പരിക്കേറ്റവരെ അടിയന്തര വൈദ്യസഹായത്തിനായി അടുത്തുള്ള ആശുപത്രിയിലേക്ക് മാറ്റിയതായി അധികൃതർ അറിയിച്ചു.
വിവരം ലഭിച്ചയുടൻ സ്ഥലത്തെത്തിയ സിവിൽ ഡിഫൻസ് യൂണിറ്റുകൾ അഗ്നി പൂർണ്ണമായി നിയന്ത്രണവിധേയമാക്കി.
