മേജർ ലീഗ് സോക്കറിൽ ലയണൽ മെസിയുടെ ഇരട്ടഗോൾ മികവിൽ ഇന്റർ മയാമിക്ക് ആവേശജയം. കോളറാഡോ റാപ്പിഡ്സിനെതിരായ പോരാട്ടത്തിൽ രണ്ടിനെതിരെ മൂന്ന് ഗോളുകൾക്കാണ് മയാമി വിജയിച്ചു കയറിയത്. ഈ വിജയത്തോടെ പോയിന്റ് പട്ടികയിൽ രണ്ടാം സ്ഥാനത്തേക്ക് ഉയരാനും മയാമിക്ക് സാധിച്ചു.
മത്സരത്തിന്റെ തുടക്കം മുതൽ തകർപ്പൻ ഫോമിലായിരുന്ന മെസി 18-ാം മിനിറ്റിൽ ലഭിച്ച പെനാൽറ്റി കൃത്യമായി ലക്ഷ്യത്തിലെത്തിച്ച് മയാമിക്ക് ലീഡ് നൽകി. ആദ്യ പകുതിയുടെ ഇഞ്ചുറി ടൈമിൽ ജെർമൻ ബെർതെരമേ കൂടി ഗോൾ കണ്ടെത്തിയതോടെ മയാമി 2-0 എന്ന ശക്തമായ നിലയിലായി.
Also Read:കോഹ്ലിയുടെ ആ ഒറ്റ ‘ലൈക്ക്’ ജീവിതം മാറ്റിമറിച്ചു; പ്രതികരണവുമായി ഗായിക ലിസ്ലാസ്
എന്നാൽ രണ്ടാം പകുതിയിൽ കോളറാഡോ ശക്തമായി തിരിച്ചടിച്ചു. 58, 62 മിനിറ്റുകളിൽ തുടർച്ചയായി ഗോളുകൾ നേടിയ അവർ മത്സരത്തിലേക്ക് തിരിച്ചെത്തി. കളി സമനിലയിലേക്ക് നീങ്ങുമെന്ന് കരുതിയിരിക്കെയാണ് 79-ാം മിനിറ്റിൽ മെസി തന്റെ രണ്ടാം ഗോളിലൂടെ മയാമിയുടെ വിജയമുറപ്പിച്ചത്. 87-ാം മിനിറ്റിൽ യാനിക് ബ്രൈറ്റ് ചുവപ്പ് കാർഡ് കണ്ട് പുറത്തായതോടെ അവസാന നിമിഷങ്ങളിൽ പത്തുപേരുമായാണ് മയാമി പൊരുതിയത്.
The post മെസി മാജിക്! ഇരട്ടഗോളുമായി താരം തിളങ്ങി; കോളറാഡോയെ വീഴ്ത്തി ഇന്റർ മയാമി appeared first on Express Kerala.
