മലപ്പുറം: വീടിനുള്ളിൽ കളിച്ചുകൊണ്ടിരിക്കെ കോണിപ്പടിയിൽ നിന്ന് വീണ് ഗുരുതരമായി പരിക്കേറ്റ ഏഴുവയസ്സുകാരി മരിച്ചു. കോട്ടക്കൽ പെരുമണ്ണ ക്ലാരി ചിറക്കൽ മേലേപ്പുറത്ത് മുഹമ്മദ് മുനീറിന്റെ മകൾ തസ്നിയ (7) ആണ് മരിച്ചത്.
വീടിനുള്ളിൽ കളിക്കുന്നതിനിടെയാണ് തസ്നിയ കോണിപ്പടിയിൽ നിന്ന് താഴേക്ക് വീണത്. വീഴ്ചയിൽ സാരമായി പരിക്കേറ്റ കുട്ടിയെ ഉടൻ തന്നെ കോട്ടക്കലിലെ സ്വകാര്യ ആശുപത്രിയിൽ എത്തിച്ചു. തുടർന്ന് വിദഗ്ധ ചികിത്സയ്ക്കായി കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റിയെങ്കിലും രാത്രിയോടെ മരണം സംഭവിക്കുകയായിരുന്നു. കരങ്കപ്പാറ ജി.യു.പി സ്കൂളിലെ ഒന്നാം ക്ലാസ് വിദ്യാർത്ഥിനിയാണ് തസ്നിയ.
The post കോണിപ്പടിയിൽ നിന്ന് വീണ് ഒന്നാം ക്ലാസ് വിദ്യാർത്ഥിനി മരിച്ചു appeared first on Express Kerala.
