ഇന്ത്യൻ വിപണിയിൽ കരുത്തുറ്റ തിരിച്ചുവരവിനൊരുങ്ങി ഫ്രഞ്ച് വാഹന നിർമ്മാതാക്കളായ റെനോ. മൂന്നാം തലമുറ ഡസ്റ്ററിന് പിന്നാലെ, ‘ബ്രിഡ്ജർ’ എന്ന സബ്-4 മീറ്റർ എസ്യുവിയിലൂടെ വിപണി പിടിക്കാനാണ് കമ്പനിയുടെ നീക്കം. 2026 മാർച്ചിൽ കൺസെപ്റ്റ് രൂപത്തിൽ അവതരിപ്പിക്കപ്പെട്ട ബ്രിഡ്ജർ, റെനോയുടെ കിഗറിനും ഡസ്റ്ററിനും ഇടയിലുള്ള വിഭാഗത്തിലാകും ഇടംപിടിക്കുക.
റെനോയും ഗൂഗിളും ചേർന്ന് വികസിപ്പിച്ചെടുത്ത പുതിയ ഇ ആൻഡ് ഇ (E&E) ആർക്കിടെക്ചറോട് കൂടിയ ആർജിഎംപി (RGMP) പ്ലാറ്റ്ഫോമിലാണ് ബ്രിഡ്ജർ ഒരുങ്ങുന്നത്. പെട്രോൾ, ഹൈബ്രിഡ്, സിഎൻജി, ഇലക്ട്രിക് എന്നിങ്ങനെ വിവിധ പവർട്രെയിനുകളെ പിന്തുണയ്ക്കുന്നതാണ് ഈ പ്ലാറ്റ്ഫോം. 2027-ഓടെ പുറത്തിറങ്ങുന്ന ഏഴ് പുതിയ മോഡലുകളിൽ ഒന്നായിരിക്കും ഈ പരുക്കൻ എസ്യുവി.
Also Read:മാരുതി സുസുക്കിക്ക് ചരിത്ര നേട്ടം; 23.4 ലക്ഷം വാഹനങ്ങൾ ഉൽപ്പാദിപ്പിച്ച് റെക്കോർഡ്
ഡിസൈൻ സവിശേഷതകൾ
ബോക്സി രൂപവും മസ്കുലാർ ശൈലിയുമാണ് ബ്രിഡ്ജറിന്റെ പ്രധാന ആകർഷണം. പ്രകാശിക്കുന്ന ലോഗോയോട് കൂടിയ ഗ്രിൽ, എൽഇഡി ലൈറ്റുകൾ, 18 ഇഞ്ച് അലോയ് വീലുകൾ, പിന്നിൽ ഘടിപ്പിച്ച സ്പെയർ വീൽ എന്നിവ ഇതിന് ഒരു ഓഫ്-റോഡർ ലുക്ക് നൽകുന്നു. 200 എംഎം ഗ്രൗണ്ട് ക്ലിയറൻസും 400 ലിറ്റർ ബൂട്ട് സ്പേസും ഈ വാഹനത്തിനുണ്ടാകുമെന്ന് റെനോ സ്ഥിരീകരിച്ചിട്ടുണ്ട്. മികച്ച ക്യാബിൻ സ്പേസും ഇന്ധനക്ഷമതയുമാണ് കമ്പനി വാഗ്ദാനം ചെയ്യുന്നത്.
The post ഇന്ത്യൻ നിരത്തുകൾ കീഴടക്കാൻ റെനോ ബ്രിഡ്ജർ; പരുക്കൻ ലുക്കിൽ പുത്തൻ സബ്-കോംപാക്റ്റ് എസ്യുവി appeared first on Express Kerala.
