കേരള നിയമസഭയിലെ വനിതാ പ്രതിനിധിത്വം ഇത്തവണയും 11 എന്ന നിലയിൽ തുടരുമ്പോഴും, അതിന്റെ രാഷ്ട്രീയ ഭൂപടത്തിൽ വലിയ മാറ്റമാണ് ഈ തിരഞ്ഞെടുപ്പ് രേഖപ്പെടുത്തുന്നത്. കഴിഞ്ഞ നിയമസഭയിൽ ഇടതുമുന്നണിക്കായിരുന്നു വനിതാ അംഗങ്ങളിൽ ആധിപത്യം—10 പേർ എൽഡിഎഫിൽ നിന്നായിരുന്നു. എന്നാൽ ഇത്തവണ ആ ചിത്രം പൂർണമായി മറിഞ്ഞു. യുഡിഎഫിന്റെ ശക്തമായ മുന്നേറ്റത്തിൽ 9 വനിതകൾ വിജയിച്ചപ്പോൾ, എൽഡിഎഫിന് രണ്ട് സീറ്റുകളിൽ മാത്രം ഒതുങ്ങേണ്ടിവന്നു. കെ കെ ശൈലജയും വീണ ജോർജും ആർ ബിന്ദുവും യു പ്രതിഭയും അടക്കമുള്ള പ്രമുഖർ പരാജയപ്പെട്ടു. […]
