മനാമ: ബി കെ എസ് ഫിലിം ക്ലബ്ബിന്റെ ആഭിമുഖ്യത്തിൽ നടത്തപ്പെടുന്ന രണ്ടാമത് ഫിലിം ക്ലബ്ബ് അവാർഡ് & ഷോർട്ട് ഫിലിം ഫെസ്റ്റിവലിന്റെ പോസ്റ്റർ പ്രകാശനം ഇന്നലെ പ്രശസ്ത എഴുത്തുകാരനും തിരക്കഥാകൃത്തുമായ ശ്രീ അനന്തപദ്മനാഭനും മുൻ നിയമസഭ സമാജികനായ ശ്രീ സത്യൻ മുകേരിയും ചേർന്ന് നിർവഹിച്ചു . ചടങ്ങിൽ കേരളീയ സമാജം പ്രസിഡന്റ് പി വി രാധാകൃഷ്ണപിള്ള ജനറൽ സെക്രട്ടറി വർഗീസ് കാരക്കൽ വൈസ് പ്രസിഡന്റ് ദിലീഷ്കുമാർ, സാഹിത്യ വിഭാഗം സെക്രട്ടറി വിനയചന്ദ്രൻ നായർ,ഫിലിം ക്ലബ്ബ് കൺവീനർ അരുൺ ആർ പിള്ള, ബുക്ക് ഫെസ്റ്റ് കൺവീനർ ഹരീഷ് നായർ, ജോയിന്റ് കൺവീനർ അഭിലാഷ് വെള്ളുക്കായ്, സമാജം എക്സിക്യൂട്ടീവ് കമ്മറ്റി അംഗങ്ങൾ ,എഴുത്തുകാരൻ ആദർശ് മാധവൻകുട്ടി, ഫിലിം ക്ലബ്ബ് അംഗങ്ങളായ രവി ആർ പിള്ള,വിജിനസന്തോഷ്,
അജയ് പി നായർ,ശ്രീവിദ്യ വിനോദ്, ആന്റോ പി എ തുടങ്ങിയവർ പങ്കെടുത്തു.
പത്തുമിനിറ്റ് വരെ പരമാവധി ദൈർഘ്യമുള്ള ഹൃസ്വ ചിത്രങ്ങളാണ് മേളയിലേക്ക് പരിഗണിക്കുക, വിദഗ്ധ ജൂറി തിരഞ്ഞെടുക്കുന്ന ചിത്രങ്ങളിൽ നിന്ന്. മികച്ച ചിത്രം, രചന,സംവിധാനം,ഛായഗ്രഹണം, ചിത്രസംയോജനം, സംഗീതം,നടൻ, നടി തുടങ്ങി വിവിധ വിഭാഗങ്ങളിൽ അവാർഡുകളും പ്രശസ്തി പത്രവും ആകർഷകമായ സമ്മാനങ്ങളും ലഭിക്കും. എൻട്രികൾ ലഭിക്കേണ്ട അവസാന തീയതി 2025 ജനുവരി 31 ആണ്
കൂടുതൽ വിവരങ്ങൾക്ക് 34020650,39720030 എന്നീ നമ്പറുകളിൽ ബന്ധപ്പെടാവുന്നതാണ്.
