മനാമ: പ്രവാസി വെൽഫെയറിൻ്റെ ആതുര സേവന വിഭാഗമായ മെഡ്കെയർ പ്രവാസി സെൻററിൽ സംഘടിപ്പിച്ച മീറ്റ് യുവർ ഡോക്ടർ കൺസൾട്ടേഷൻ ക്യാമ്പ് നൂറുകണക്കിന് പ്രവാസികൾക്ക് സാന്ത്വനവും സമാശ്വാസവുമായി. ദൂരക്കാഴ്ചകൾ മറച്ച് പ്രതികൂലമായ മഞ്ഞ് പെയ്ത കാലാവസ്ഥയിലും ബഹറൈനിലെ വിവിധ ഭാഗങ്ങളിൽ നിന്നും ധാരാളം പ്രവാസികൾ കൺസൾട്ടേഷൻ ക്യാമ്പിൽ പങ്കെടുക്കാൻ എത്തിയത് സംഘാടകർക്ക് ആവേശമായി മാറി.
മീറ്റ് യുവർ ഡോക്ടർ കൺസൾട്ടേഷനിൽ ജനറൽ വിഭാഗം, ഗൈനക്കോളജി, ദന്തൽ, ഓർത്തോപീഡിക് എന്നീ വിഭാഗങ്ങളിൽ ബഹ്റൈനിലെ പ്രഗൽഭ ഡോക്ടർമാരായ ഡോ. അനൂപ് അബ്ദുല്ല, ഡോ. ഫമിൽ എരഞ്ഞിക്കൽ, ഡോ. ജയ്സ് ജോയ്, ഡോ. സാദിഖ് ബാബു, ഡോ. ജാസ്മിൻ മൊയ്തു, ഡോ. ഫൈസ ബാബർ എന്നിവർ രോഗികളെ പരിശോധിക്കുകയും ആവശ്യമായ മരുന്നുകളും മാർഗ നിർദേശങ്ങളും നൽകുകയും ചെയ്തു.
സാമൂഹിക പ്രവർത്തകരായ റഷീദ് മാഹി, സൂബൈർ എം. എം, സൈദ് ഹനീഫ്, സൽമാനൂൽ ഫാരിസ്, അബ്ദുൽ ജലീൽ അബ്ദുല്ല, സലാം മമ്പാട്ടുമൂല, അൻവർ നിലമ്പൂർ, അബ്ദുസ്സലാം നിലമ്പൂർ, ജവാദ് വക്കം, രാധാകൃഷ്ണൻ തിക്കോടി, അബ്ദുൽ ഖാദർ മറാസീൽ, തേജസ്, ഫവാസ്, താഹ മ്യൂടസ്, ഷിയാസ് യൂസഫ്, വഫ ഷാഹുൽ, സബീന അബ്ദുൽ ഖാദർ, റഷീദ സുബൈർ, അബ്ദുൽ ഗഫൂർ മുക്കുതല, സാജിർ തുടങ്ങിയവർ മീറ്റ് യുവർ ഡോക്ടർ ക്യാമ്പ് സന്ദർശിച്ചു.
പ്രവാസി വെൽഫെയർ പ്രസിഡൻറ് ബദറുദ്ദീൻ പൂവാർ, മെഡ്കെയർ കൺവീനർ മജീദ് തണൽ, മീറ്റ് യൂവർ ഡോക്ടർ കൺസൾട്ടേഷൻ ജനറൽ കൺവീനർ അനസ് കാഞ്ഞിരപ്പള്ളി, പ്രവാസി വെൽഫെയർ വൈസ് പ്രസിഡൻ്റ് ഷാഹുൽ ഹമീദ് വെന്നിയൂർ, ആക്ടിംഗ് ജനറൽ സെക്രട്ടറി ഇർഷാദ് കോട്ടയം, വെൽകെയർ കൺവീനർ മുഹമ്മദ് അലി മലപ്പുറം, മെഡ്കെയർ എക്സിക്യൂട്ടീവുകളായ ഷാനവാസ്, ഗഫാർ, ഷാനിബ്, അബ്ദുല്ല കുറ്റ്യാടി, മൊയ്തു ടി കെ, സതീഷ്, രാജീവ്, ആഷിക് എരുമേലി, ലിൻസി, ജാൻസൻ, ഹാഷിം എ വി, മഹമൂദ് മായൻ, സാബിറ നൗഫൽ, വഹീദ ഫൈസൽ, റഈസ്, സഫീർ, ജോഷി ജോസഫ് തുടങ്ങിയവർ ക്യാമ്പിന് നേതൃത്വം നല്കി.
