കണ്ണൂര്‍ : മാലൂരില്‍ പൂവന്‍പൊയിലില്‍ സ്‌ഫോടക വസ്തു പൊട്ടിത്തെറിച്ച് രണ്ട് തൊഴിലുറപ്പ് തൊഴിലാളികള്‍ക്ക് പരിക്ക്. പരിക്കേറ്റ വിജയലക്ഷ്മി, പ്രീത എന്നിവരെ തലശേരിയിലെ ആശുപത്രിയില്‍ പ്രവേശിപ്പിച്ചു.ഇവരുടെ പരിക്ക് ഗുരുതരമല്ല.
കാടുപിടിച്ച വാഴത്തോട്ടം വൃത്തിയാക്കുമ്പോഴായിരുന്നു സ്‌ഫോടക വസ്തു പൊട്ടിത്തെറിച്ചത്. പൊലീസും ബോംബ് സ്‌ക്വാഡും പ്രദേശത്ത് പരിശോധന നടത്തി.പഴക്കമുള്ള സ്‌ഫോടക വസ്തുവാണെന്നാണ് വിവരം.
നേരത്തേയും കണ്ണൂരില്‍ ആളൊഴിഞ്ഞ പറമ്പില്‍ സ്‌ഫോടക വസ്തു പൊട്ടിത്തെറിക്കുന്ന സംഭവം ഉണ്ടായിട്ടുണ്ട്. ഈ സാഹചര്യത്തില്‍ കര്‍ക്കശ പരിശോധനയാണ് പൊലീസ് നടത്തുന്നത്.
