മനാമ: ബഹ്റൈൻ സെന്റ് മേരീസ് ഇന്ത്യന്‍ ഓര്‍ത്തഡോക്സ് കത്തിഡ്രലില്‍ പുതുവാത്സര ശുശ്രുഷകൾ നടന്നു. മലങ്കര ഓർത്തഡോക്സ് സഭയുടെ സുൽത്താൻ ബേത്തേരി ഭദ്രാസനാധിപൻ അഭിവന്ദ്യ ഡോ. ഗീവര്‍ഗ്ഗീസ് മാര്‍ ബര്‍ന്നബാസ് മെത്രാപ്പോലീത്ത മുഖ്യ കാര്‍മികത്വം വഹിച്ചു.
ഡിസംബര്‍ 31 ന് വൈകിട്ട് സന്ധ്യ നമസ്ക്കാരവും തുടര്‍ന്ന് വിശുദ്ധ കുര്‍ബ്ബാനയും നടന്നു. ഇടവക വികാരി റവ. ഫാദര്‍ ജേക്കബ് തോമസ് കാരയ്ക്കല്‍, സഹവികാ‍രി റവ. ഫാദര്‍ പി. എന്‍. തോമസുകുട്ടി എന്നിവര്‍ സഹ കാര്‍മികത്വം വഹിച്ചു. അതേ തുടര്‍ന്ന് 2025 വര്‍ഷത്തിലെ കത്തീഡ്രല്‍ ഭരണസമതി സ്ഥാ‍നമേറ്റു. പുതിയ ട്രസ്റ്റി. സജി ജോര്‍ജ്ജ്, സെക്രട്ടറി ബിനു എം. ഈപ്പന്‍ എന്നിവരുടെ നേത്യത്വത്തിലുള്ള കമ്മറ്റിക്ക് അഭിവന്ദ്യ തിരുമേനി ഏല്ലാ ആശംസകളും നേര്‍ന്നു.
