ജപ്പാന്കാര് പൊതുവേ പ്രായക്കുറവിനും ചെറുപ്പത്തിനും പേരു കേട്ടവരാണ്. ഇവരുടെ ചര്മത്തിന് പ്രായം തോന്നില്ല, ചര്മം ഏറെ നല്ലതാണ്, ശരീരം വളരെ ഒതുങ്ങിയതാണ്. ഇതിനാല് തന്നെ എത്ര പ്രായമായാലും ഇവര് ചെറുപ്പമായി ഇരിക്കും. ഇതിനാല് തന്നെ ജപ്പാന്കാരുടെ ലൈഫ്സ്റ്റൈലും സൗന്ദര്യസംരക്ഷണവഴികളും ലോകമെമ്പാടും അംഗീകരിയ്ക്കപ്പെട്ടിട്ടുള്ളതാണ്. ഇവരുടെ രീതിയില് പിന്തുടരാന് ലോകം ശ്രമിയ്ക്കുന്നതും പതിവാണ്.
ഇതിന് കാരണമുണ്ട്, അവരുടെ ലൈഫ്സ്റ്റൈല് വ്യത്യാസമാണ്. ഇവര് കഴിവതും ആക്ടീവും സിംപിളുമായ ജീവിതശൈലി പിന്തുടരുന്നവരാണ്. വളരേയേറെ വികസിച്ച രാജ്യമാണെങ്കിലും ആരോഗ്യം കൂടി കരുതി സൈക്കില് സവാരി ചെയ്യുന്നവരാണ് അവര്. നമ്മുടേത് പോലെ നടക്കാനുള്ള ദൂരം പോലും വാഹനത്തില് പോകാതെ നടന്നും സൈക്കിളിലും യാത്ര ചെയ്യുന്നവര്. നല്ലൊരു വ്യായാമം ജീവിതത്തിന്റെ ഭാഗമായി കൊണ്ടുപോകുന്നവര്. ഇത് ഒരു കാരണമാണ്.
80 ശതമാനം വയര് നിറയ്ക്കുക, 20 ശതമാനം വയര് ഒഴിച്ചിടുക എന്ന രീതിയാണ് ഇവര് പിന്തുടരുന്നത്. ഒരു പ്ലേറ്റില് ഇവര് പലതരം ഭക്ഷണങ്ങള് ഉള്പ്പെടുത്തുന്നു. ഫെര്മെന്റസ് ഫുഡ് ഇതില് പ്രധാനമായും ഉണ്ടാകും. സോയാബീന് പോലുള്ളവയില് നിന്നുള്ള ഫെര്മെന്റഡ് ഫുഡുകളായ മീസോ പോലുള്ളവ ഉപയോഗിയ്ക്കുന്നു. ഇത് പ്രൊബയോട്ടിക്സാണ്. ഇത് കുടല് ആരോഗ്യത്തിന് നല്ലതാണ്. കഴിയ്ക്കുന്ന രീതിയിലും പ്രധാനം.
അവരുടെ ജോലിയും ലൈഫ്സ്റ്റൈലും ആരോഗ്യവുമായി ബന്ധപ്പെട്ടിരിയ്ക്കുന്നു. എസിയില് ഇരുന്ന് ജോലി ചെയ്യുന്നവരും ലിഫ്റ്റ് ഉപയോഗിയ്ക്കുന്നവരുമെല്ലാമാണ് നമുക്കിടയില് കൂടുതല്. താഴേക്കിടയിലുള്ളവരാണ് പലപ്പോഴും കഠിനാധ്വാനം ചെയ്യുന്നത്. എന്നാല് ജപ്പാന്കാര് ലിഫ്റ്റല്ലാതെ കോണിപ്പടികള് ഉപയോഗിയ്ക്കുന്നു. ഭക്ഷണത്തില് മീന് വിഭവങ്ങള്, പച്ചക്കറികള്, പഴങ്ങള് എന്നിവ കഴിയ്ക്കുന്നു. മസാലയും കുറവാണ്. ചോറ് ഉപയോഗിയ്ക്കുമെങ്കിലും കുറവ് അളവിലാണ് ഉപയോഗിയ്ക്കുക. ട്രാന്സ്ഫാററ് ഉപയോഗം കുറവാണ്. കഴിയുന്നവര് വീട്ടില് തന്നെ ഭക്ഷണമുണ്ടാക്കുന്നു.
മൈന്റ്ഫുള് ഈറ്റിംഗ് എന്ന രീതി. നാം കഴിയ്ക്കുന്നത് ടിവി കണ്ടോ മൊബൈല് നോക്കിയോ ആണ്. ഇതിലൂടെ നാം കഴിയ്ക്കുന്ന ഭക്ഷണവും തലച്ചോറും തമ്മില് ബന്ധമുണ്ടാകില്ല. ഇത് കൂടുതല് കഴിയ്ക്കാന് പ്രേരിപ്പിയ്ക്കും. ഭക്ഷണം കഴിച്ച സംതൃപ്തിയുണ്ടാകില്ല. ജപ്പാന്കാര് സമയമെടുത്ത് ഭക്ഷണം കഴിയ്ക്കും. കഴിയ്ക്കുന്നതില് മാത്രം ശ്രദ്ധിയ്ക്കും. ഇത് ഭക്ഷണത്തിന്റെ അളവ് കുറയ്ക്കാന് സഹായിക്കും. പതുക്കെ കഴിയ്ക്കുന്നു. വയര് നിറഞ്ഞുവെന്ന് തോന്നിയാല് അതോടെ ഭക്ഷണം അവസാനിപ്പിയ്ക്കും. ഇതെല്ലാം തന്നെ ഇവരുടെ ആരോഗ്യത്തിനും ഒപ്പം ചര്മത്തിനും ഗുണം നല്കുന്ന കാര്യങ്ങളാണ്.
