മനാമ: ബഹ്റൈനിലെ അറാദ് സീഫ് മാളിന് സമീപമുള്ള റസ്‌റ്റോറൻ്റിലെ ഗ്യാസ് സിലണ്ടർ പൊട്ടിത്തെറിച്ചാണ് ഇരു നില കെട്ടിടം തകർന്ന് ഒരാൾ മരിച്ചത് എന്നാണ് പ്രാഥമികമായി ലഭിക്കുന്ന വിവരം.ഇരുനില കെട്ടിടം പൂർണ്ണമായും തകർന്ന നിലയിലാണ്.കെട്ടിടാവശിഷ്ടങ്ങൾക്കിടയിൽ കുടുങ്ങിയ ആളാണ് മരിച്ചത്.
സമയോജിതമായ ഇടപെടൽ മൂലം അപകട സ്ഥലത്ത് നിന്നും രണ്ടു പേരെ രക്ഷപ്പെടുത്തി ആശുപത്രിയിൽ എത്തിച്ചിട്ടുണ്ട്.അപകടവുമായി ബന്ധപ്പെട്ട് നാലോളം ആളുകൾക്ക് പരിക്ക് പറ്റി.സംഭവസ്ഥലത്ത് ഏഴ് വാഹനങ്ങളുമായി മുപ്പത്തിയെട്ടോളം സിവിൽ ഡിഫൻസ് ഉദ്യോഗസ്ഥരും,നിരവധി പോലീസുകാരും രക്ഷാപ്രവർത്തനങ്ങൾ നടത്തിവരുന്നുണ്ട്.തകർന്ന കെട്ടിടത്തിൻ്റെ ഉടമയെ അധികൃതർ ചോദ്യം ചെയ്യാനായി വിളിപ്പിച്ചിട്ടുണ്ട്.
