മനാമ :’ഷെഫ്സ് പാലറ്റ്’ ബഹ്റൈൻ കേരളീയ സമാജവുമായി ചേർന്ന് നടത്തുന്ന ഗ്ലോബൽ റൈസ് ഫ്യൂഷൻ ഫെസ്റ്റ് പാചക മത്സരം 1 ഏപ്രിൽ 2025 ന് ചൊവ്വാഴ്ച്ച വൈകുന്നേരം 5 മണിക്ക് ബഹ്റൈൻ കേരളീയ സമാജം ഡൈമണ്ട് ജൂബിലി ഹാളിൽ വച്ച് നടക്കുമെന്ന് ഒഫീഷ്യൽസ് അറിയിച്ചു.
ബഹ്റൈനിൽ ലഭ്യമാകുന്ന വ്യത്യസ്ത രാജ്യങ്ങളിലെ വിവിധ തരം റൈസ് ഉപയോഗിച്ച്
പാചക കലയിലെ സർഗ്ഗാത്മകതയും, നവീകരണവും സമന്വയിപ്പിച്ച് വിവിധ രാജ്യങ്ങളിലെ പാചക മത്സാരാർത്ഥികൾ പങ്കെടുക്കുന്നതാണ് ചെഫ്സ് പാലറ്റ് ഗ്ലോബൽ റൈസ് ഫ്യൂഷൻഫെസ്റ്റ് പാചക മത്സരം.
ഷെഫ്സ് പാലറ്റ് പാചക കലയോടുള്ള അഭിനിവേശം വളർത്താൻ വിവിധ പരിപാടികൾ ലക്ഷ്യമിടുന്നു .
പാചക കലയെ കുറിച്ചുള്ള വെബിനാറുകൾ, പാചക മത്സരങ്ങൾ, മുതിർന്നവർക്കും കുട്ടികൾക്കുമുള്ള പാചക ക്ളാസ്സുകൾ എന്നിവ ഭാവിയിൽ സംഘടിപ്പിക്കും.
റൈസ് ഫ്യൂഷൻ ഫെസ്റ്റിൽ മത്സരിക്കുന്നവർക്ക് ചെഫ്സ് പാലറ്റ് റൈസ് ഫ്യൂഷൻ ഫെസ്റ്റ് രെജിസ്ട്രേഷൻ ലിങ്കിലൂടെ രജിസ്റ്റർ ചെയ്യാം.
കൂടുതൽ വിവരങ്ങൾക്ക് yoursflavourfully24@gmail.com ഇമെയിൽ വഴിയോ 3319 7803, 3630 2137 നമ്പറിലോ കോൺടാക്ട് ചെയാവുന്നതാണ്
ഒട്ടനവധി മത്സരാർഥികൾ പങ്കെടുക്കുന്ന റൈസ് ഫ്യൂഷൻ ഫെസ്റ്റ് മത്സരങ്ങൾ കാണാനും പങ്കെടുക്കാനും അനുഭവങ്ങൾ പങ്കിടാനും എല്ലാവരെയും കുടുംബ സമേതം ബഹ്റൈൻ കേരളീയ സമാജം ഡൈമണ്ട് ജൂബിലി ഹാളിലേക്ക് ക്ഷണിക്കുന്നതായും സംഘാടകർ അറിയിച്ചു.
