മനാമ: ബഹ്റൈനിലെ ജീവകാരുണ്യ മേഖലയിൽ വേറിട്ട പ്രവർത്തനങ്ങളുമായി മുന്നോട്ടുപോകുന്ന ലൈറ്റ്‌സ് ഓഫ് കൈൻഡ്നെസ്സ് മെയ് 1 ന് അന്താരാഷ്ട്ര തൊഴിലാളി ദിനം ആഘോഷിച്ചു. തൊഴിലാളി ദിനത്തോടനുബന്ധിച്ച് മൂന്ന് ദിവസം ബഹറിനിലെ വിവിധ ഇടങ്ങളിൽ തൊഴിലാളികൾ താമസിക്കുന്ന ലേബർ ക്യാമ്പുകൾ കേന്ദ്രീകരിച്ചുകൊണ്ട് 400 അധികം തൊഴിലാളികൾക്ക് ഉച്ചഭക്ഷണം, അത്താഴം പായ്ക്കറ്റുകൾ ,മധുര പലഹാരങ്ങൾ, വാട്ടർ ബോട്ടിലുകൾ ,പഴങ്ങൾ എന്നിവ വിതരണം ചെയ്തു. ലൈറ്റ്‌സ് ഓഫ് കൈൻഡ്നെസ്സ് നടത്തിവരാറുള്ള സോഷ്യൽ അസിസ്റ്റൻസ് ഡ്രൈവിന്റെ ഭാഗമായാണ് ഈ പരിപാടികൾ നടന്നത്.
