ആന്റണി വര്ഗീസ് പെപ്പെ നായകനാകുന്ന പുതിയ ചിത്രമാണ് ‘കാട്ടാളന്’. ക്യൂബ്സ് എന്റര്ടെയ്ന്മെന്റ്സിന്റെ ബാനറില് ഷരീഫ് മുഹമ്മദ് നിര്മ്മിക്കുന്ന ചിത്രം സംവിധാനം ചെയ്യുന്നത് നവാഗതനായ പോള് ജോര്ജ്ജ് ആണ്. ‘കാട്ടാളനി’ല് നായികയായെത്തുന്നത് രജിഷ വിജയനാണ്. കാട്ടാളന്റെ ലോകത്തേക്ക് രജിഷയെ സ്വാഗതം ചെയ്തുകൊണ്ടുള്ള പോസ്റ്റര് സോഷ്യല് മീഡിയയില് പങ്കുവെച്ചിരിക്കുകയാണ് ക്യൂബ്സ് എന്റര്ടെയ്ന്മെന്റ്സ്.
ചിത്രത്തില് മലയാളത്തില് നിന്നുള്ളവരും പാന് ഇന്ത്യന് താരങ്ങളും അടക്കം വലിയൊരു താരനിരയാണ് ഒരുമിക്കുന്നത്. പാന് ഇന്ത്യന് താരങ്ങളായ സുനില്, കബീര് ദുഹാന് സിങ് എന്നിവരേയും ജഗദീഷ്, സിദ്ധിഖ് തുടങ്ങിയ മലയാളത്തിലെ ശ്രദ്ധേയ താരങ്ങളേയും റാപ്പര് ബേബി ജീനിനേയും ചിത്രത്തിലേക്ക് സ്വാഗതം ചെയ്തുകൊണ്ട് അടുത്തിടെ പോസ്റ്ററുകള് എത്തിയിരുന്നത് വലിയ ശ്രദ്ധ നേടിയിരുന്നു.
Also Read: ‘എനിക്ക് ഹിന്ദി അറിയില്ല, അതുകൊണ്ട് ഇംഗ്ലീഷില് സംസാരിക്കാം, അതും കുറച്ചേ അറിയുകയുള്ളു’; ധനുഷ്
ചിത്രത്തില് പെപ്പെ തന്റെ യഥാര്ത്ഥ പേരായ ‘ആന്റണി വര്ഗ്ഗീസ്’ എന്ന പേരില് തന്നെയാണ് എത്തുന്നത്. ഓങ്-ബാക്ക് 2, ബാഹുബലി-2: കണ്ക്ലൂഷന്, ജവാന്, ബാഗി 2, പൊന്നിയന് സെല്വന് പാര്ട്ട് 1 തുടങ്ങിയ ശ്രദ്ധേയ സിനിമകള്ക്ക് ആക്ഷന് ഒരുക്കിയ ലോക പ്രശസ്തനായ സ്റ്റണ്ട് കോറിയോഗ്രഫര് കെച്ച കെംബഡികെ ആണ് ചിത്രത്തില് ആക്ഷനൊരുക്കാനായി എത്തുന്നത്.
ഇതര ഭാഷ ചിത്രങ്ങള് പോലെ മലയാള സിനിമകളെയും വേറൊരു തലത്തില് എത്തിക്കാന് പോന്ന സാങ്കേതിക മികവും, പ്രൊഡക്ഷന് ക്വാളിറ്റിയും നല്കി കൊണ്ട് ‘മാര്ക്കോ’ പോലെയോ അതിനേക്കാള് ഉയരത്തിലോ ഇനിയും വിജയങ്ങള് കൊയ്തെടുക്കാനുള്ള തയ്യാറെടുപ്പിലുമാണ് ക്യൂബ്സ് എന്റര്ടെയ്ന്മെന്റ്സ്. പാന് ഇന്ത്യന് ലെവല് ആക്ഷന് ത്രില്ലര് മാസ്സ് ചിത്രത്തില് കന്നഡയിലെ ശ്രദ്ധേയ സംഗീത സംവിധായകന് അജനീഷ് ലോക്നാഥാണ് സംഗീതമൊരുക്കുന്നത്.
അജനീഷ് സംഗീതമൊരുക്കുന്ന ചിത്രമെന്ന പ്രത്യേകതയും കാട്ടാളനുണ്ട്. എഡിറ്റര് ഷമീര് മുഹമ്മദ് ആണ്. ശ്രദ്ധേയ ഛായാഗ്രാഹകന് രെണദേവാണ് ഡിഒപി. എം.ആര് രാജാകൃഷ്ണനാണ് ഓഡിയോഗ്രഫി, പ്രൊഡക്ഷന് ഡിസൈനര്: സുനില് ദാസ്, ക്രിയേറ്റീവ് പ്രൊഡ്യൂസര്: ഡിപില് ദേവ്, പ്രൊഡക്ഷന് കണ്ട്രോളര്: ദീപക് പരമേശ്വരന്, സൗണ്ട് ഡിസൈനര്: കിഷാന്, കോസ്റ്റ്യൂം: ധന്യ ബാലകൃഷ്ണന്, മേക്കപ്പ്: റോണക്സ് സേവ്യര്, സ്റ്റില്സ്: അമല് സി സദര്, കോറിയോഗ്രാഫര്: ഷെരീഫ്, വിഎഫ്എക്സ്: ത്രീഡിഎസ്, ഡിജിറ്റല് മാര്ക്കറ്റിംഗ്: ഒബ്സിക്യൂറ എന്റര്ടെയ്ന്മെന്റ്സ്, പിആര്ഒ: ആതിര ദില്ജിത്ത്.
The post ‘കാട്ടാള’നില് പെപ്പെയുടെ നായികയായി രജിഷ വിജയന് appeared first on Express Kerala.
