തിരുവനന്തപുരം: കഴക്കൂട്ടത്ത് ലഹരി സംഘത്തിന്റെ വിളയാട്ടം. തിരുവനന്തപുരം കഴക്കൂട്ടത്ത് ബൈപ്പാസ് ജംഗ്ഷനിലെത്തിയ മൂന്നംഗ സംഘമാണ് ആക്രമണം നടത്തിയത്. സംഭവത്തില്‍ കഴക്കൂട്ടം പോങ്ങറ സ്വദേശികളായ അമ്പാടി, ആദര്‍ശ്, നിധിന്‍രാജ് എന്നിവരെ പൊലീസ് പിടികൂടി. ഇന്ന് രാത്രി 9.30ഓടെയാണ് സംഭവം. കഴക്കൂട്ടം ജംഗ്ഷനില്‍ ചായ കുടിക്കാന്‍ എത്തിയ യുവതിയുടെ ദേഹത്ത് ചായ ഒഴിക്കുകയായിരുന്നു.
Also Read: കൊല്ലത്ത് ഭാര്യയെ കൊലപ്പെടുത്തിയ ശേഷം ഒളിവിൽ പോയ പ്രതി തൂങ്ങി മരിച്ച നിലയിൽ
ഇതിനുശേഷം അസഭ്യവര്‍ഷം മൂവരും തുടര്‍ന്നു. ഇതിനുപിന്നാലെ തൊട്ടടുത്തുനിന്ന് സ്ത്രീകളെയും ഉപദ്രവിച്ചു. സമീപത്ത് നിര്‍ത്തിയിട്ടിരുന്ന വാഹനങ്ങള്‍ക്കും കേടുപാട് വരുത്തി. അക്രമം തുടര്‍ന്നതോടെ തടയാന്‍ എത്തിയവരെയും മൂവര്‍ സംഘം തല്ലി.
നാട്ടുകാര്‍ അറിയിച്ചതിന്റെ അടിസ്ഥാനത്തില്‍ കഴക്കൂട്ടം പൊലീസ് സ്ഥലത്തെത്തി മൂന്നുപേരെയും കസ്റ്റഡിയിലെടുക്കുകയായിരുന്നു. സ്റ്റേഷനില്‍ എത്തിച്ചപ്പോള്‍ പൊലീസ് നേരെയും മൂന്നുപേരും തെറി അഭിഷേകം നടത്തി. മൂന്നംഗ സംഘം ലഹരി ഉപയോഗിച്ചിട്ടുണ്ടെന്നാണ് പൊലീസ് സംശയിക്കുന്നത്. ഇവരെ വൈദ്യപരിശോധനയ്ക്ക് അടക്കം വിധേയമാക്കും.
The post യുവതിക്ക് മേല്‍ ചായ ഒഴിച്ചു; കഴക്കൂട്ടത്ത് മൂന്നംഗ സംഘത്തിന്റെ പരാക്രമം appeared first on Express Kerala.
