ഇറാനും ഇസ്രയേലും തമ്മിലുള്ള സംഘര്ഷം ആരംഭിച്ചതിനുശേഷം, ഇറാന്റെ പരമോന്നത നേതാവ് ആയത്തുള്ള അലി ഖമേനി ജൂലൈ 5ന് ആദ്യമായി പൊതുവേദിയില് പ്രത്യക്ഷപ്പെട്ടതായി സ്റ്റേറ്റ് മീഡിയ റിപ്പോര്ട്ട് . ഇസ്രയേലിന്റെ ആക്രമണത്തിന് മുമ്പേ 86 കാരനായ പരമോന്നത നേതാവ് പൊതുജനങ്ങളില് നിന്ന് മാറി നില്ക്കുകയായിരുന്നു. ഷിയാ മുസ്ലീങ്ങളുടെ ഒരു പ്രധാന ആഘോഷമായ ആഷുറയുടെ തലേന്ന് നടന്ന ചടങ്ങില് സെന്ട്രല് ടെഹ്റാനിലെ ഇമാം ഖൊമേനി പള്ളിയില് ഖമേനി ആരാധകരെ അഭിവാദ്യം ചെയ്യുന്നത് സ്റ്റേറ്റ് മീഡിയ പ്രക്ഷേപണം ചെയ്തു. കറുത്ത വസ്ത്രം ധരിച്ച് അദ്ദേഹം വേദിയില് പ്രത്യക്ഷപ്പെട്ടു, ജനക്കൂട്ടം മുഷ്ടി ചുരുട്ടി ‘ഞങ്ങളുടെ സിരകളിലെ രക്തം ഞങ്ങളുടെ നേതാവിന്!’ എന്ന മുദ്രാവാക്യങ്ങള് മുഴക്കി.
1989 മുതല് അധികാരത്തിലിരിക്കുന്ന, രാജ്യത്തെ എല്ലാ കാര്യങ്ങളിലും അന്തിമ തീരുമാനമെടുക്കുന്ന ഖമേനി, ജൂണ് 13 ന് ഇസ്രയേല് അപ്രതീക്ഷിത വ്യോമാക്രമണം നടത്തിയതിന് ശേഷം പരസ്യമായി പ്രത്യക്ഷപ്പെട്ടിരുന്നില്ല. ഇസ്രയേല് ആക്രമണങ്ങള്ക്ക് രണ്ട് ദിവസം മുമ്പ് പാര്ലമെന്റ് അംഗങ്ങളുമായുള്ള കൂടിക്കാഴ്ചയായിരുന്നു അദ്ദേഹത്തിന്റെ അവസാന പൊതുപരിപാടി.
Also Read: ടെക്സസ് വെള്ളപ്പൊക്കം: 32 മരണം, 27 പേരെ കാണാതായി
ഖത്തറിലെ അമേരിക്കന് വ്യോമതാവളം ആക്രമിച്ചതിലൂടെ ഇറാന് ‘അമേരിക്കയുടെ മുഖത്ത് ഒരു അടി’ നല്കിയെന്ന് അവകാശപ്പെടുകയും കൂടുതല് ആക്രമണങ്ങള്ക്കെതിരെ മുന്നറിയിപ്പ് നല്കുകയും ചെയ്യുന്ന വീഡിയോ പ്രസ്താവന കഴിഞ്ഞ ആഴ്ച ഖമേനി പുറത്തിറക്കിയിരുന്നുവെങ്കിലും, 12 ദിവസത്തെ സംഘര്ഷം ആരംഭിച്ചതിനുശേഷം അദ്ദേഹം ആദ്യമായി തത്സമയം പൊതുവേദിയില് പ്രത്യക്ഷപ്പെട്ടത് കഴിഞ്ഞ ദിവസമായിരുന്നു.
The post ഇസ്രയേലുമായുള്ള സംഘര്ഷത്തിന് ശേഷം ആദ്യമായി പൊതുവേദിയില് പ്രത്യക്ഷപ്പെട്ട് ഇറാന്റെ പരമോന്നത നേതാവ് appeared first on Express Kerala.
