രജനികാന്ത് നായകനായി എത്തുന്ന ഏറ്റവും പുതിയ ചിത്രം കൂലിയിലെ മോണിക്ക എന്ന ഗാനം പുറത്തിറങ്ങിയിരുന്നു. റിലീസിന് മുൻപ് തന്നെ പ്രേക്ഷകർ കാത്തിരുന്ന ഗാനം എത്തിയപ്പോൾ സമ്മാനിച്ചത് വൻ ട്രീറ്റ് ആയിരുന്നു. പൂജ ഹെഗ്ഡെയുടെ പേരിലാണ് ഗാനം റിലീസ് ചെയ്തതെങ്കിലും പൂജയെ മാറ്റിനിർത്തുന്ന പ്രകടനമായിരുന്നു സൗബിന്റേത്.
പൂജ ഹെഗ്ഡെ അറബിക് കുത്ത്, കണിമ തുടങ്ങി സൂപ്പർ ഹിറ്റ് ഗാനങ്ങളിൽ തിളങ്ങിയ ആളാണ്. എന്നാൽ മോണിക്ക വന്നതോടെ സൗബിൻ പൂജയെ സൈഡാക്കി. 5 കോടിയായിരുന്നു പൂജയുടെ പ്രതിഫലം. നിലവിൽ ഗാനം ട്രെന്റിങ്ങിൽ തന്നെ തുടരുന്നതിനിടെ സൗബിനെ പ്രശംസിച്ച് എത്തിയിരിക്കുകയാണ് പൂജ ഹെഗ്ഡെ.
Also Read: പ്രേമലുവിന്റെ ചെലവ് പത്ത് കോടി, രണ്ടാം ഭാഗം ഉടനില്ല; ദിലീഷ് പോത്തൻ
“ഏറെ വ്യത്യസ്തവും വേറിട്ട ശൈലിയുമുള്ള ഡാൻസ് രീതിയാണ് സൗബിന്റേത്. അങ്ങനെ ഒക്കെ ഡാൻസ് ചെയ്യാൻ അദ്ദേഹത്തിനെ സാധിക്കൂ. ആള് ഭയങ്കര സ്വീറ്റാണ്. ഒപ്പം വർക്ക് ചെയ്യാനായതിൽ ഒരുപാട് സന്തോഷം”, എന്നായിരുന്നു പൂജ പറഞ്ഞത്. സാന്റി മാസ്റ്ററായിരുന്നു ഗാനത്തിന്റെ കൊറിയോഗ്രഫി. ലോകേഷ് കനകരാജ് സംവിധാനം സംവിധാനം ചെയ്യുന്ന കൂലി ഓഗസ്റ്റ് 14ന് തിയറ്ററുകളിൽ എത്തും.
The post അങ്ങനെ ഒക്കെ ഡാൻസ് ചെയ്യാൻ അദ്ദേഹത്തിനെ സാധിക്കൂ; സൗബിനെ പുകഴ്ത്തി പൂജ ഹെഗ്ഡെ appeared first on Express Kerala.
