കൊച്ചി: മുന്‍ കാമുകിയുടെ ഫോട്ടോ മോര്‍ഫ് ചെയ്ത് പ്രചരിപ്പിച്ചെന്ന കേസില്‍ ഫുട്‌ബോളര്‍ അറസ്റ്റില്‍. ബെംഗളൂരു നോര്‍ത്ത് ഫുട്‌ബോള്‍ ക്ലബിലെ കളിക്കാരനും കൊട്ടാരക്കര സ്വദേശിയുമായ ഹോബിനെയാണ് കൊച്ചി സിറ്റി സൈബര്‍ പൊലീസ് അറസ്റ്റ് ചെയ്തത്. മുന്‍കൂര്‍ ജാമ്യാപേക്ഷ ഹൈക്കോടതി തള്ളിയതോടെ ഹോബിന്‍ കീഴടങ്ങുകയായിരുന്നു.
മുന്‍ കാമുകിയുടെ ചിത്രങ്ങള്‍ ഹോബിന്‍ മോര്‍ഫ് ചെയ്ത് നഗ്‌ന ദൃശ്യങ്ങളാക്കി സോഷ്യല്‍മീഡിയയില്‍ പങ്കുവെച്ചുവെന്നാണ് കേസ് . കഴിഞ്ഞ ഏപ്രിലില്‍ യുവതി നല്‍കിയ പരാതിയിലാണ് നടപടി. കൊച്ചി സൈബര്‍ പൊലീസ് സ്റ്റേഷനിലെത്തിയാണ് യുവതി പരാതി നല്‍കിയത്. ഇതോടെ ഹോബിന്‍ സെഷന്‍സ് കോടതിയെയും തുടര്‍ന്ന് ഹൈക്കോടതിയെയും സമീപിച്ചെങ്കിലും മുന്‍കൂര്‍ ജാമ്യാപേക്ഷ തള്ളുകയായിരുന്നു. ഇതോടെ ഹോബിന്‍ സ്റ്റേഷനിലെത്തി കീഴടങ്ങി. കോടതിയില്‍ ഹാജരാക്കിയ ഹോബിനെ റിമാന്‍ഡ് ചെയ്തു.
