ഉള്ള് കുറഞ്ഞ മുടി ആണോ? നിരാശപ്പെടേണ്ട; ആരോഗ്യമുള്ള മുടിക്ക് വേണ്ടത് ഈ പോഷകങ്ങൾ

ഇന്നത്തെ തിരക്കേറിയ ജീവിതശൈലി, മലിനീകരണം, മാനസിക സമ്മർദം എന്നിവ കാരണം പലരും മുടികൊഴിച്ചിൽ പോലുള്ള പ്രശ്നങ്ങൾ നേരിടുന്നുണ്ട്. പാരമ്പര്യവും ഹോർമോൺ വ്യതിയാനങ്ങളും ആരോഗ്യപ്രശ്നങ്ങളും ഇതിന് കാരണമായേക്കാം. എന്നാൽ, ശരിയായ ഭക്ഷണത്തിലൂടെ മുടിയുടെ ആരോഗ്യം മെച്ചപ്പെടുത്താൻ സാധിക്കുമെന്നാണ് വിവിധ പഠനങ്ങൾ സൂചിപ്പിക്കുന്നത്. നിങ്ങളുടെ മുടിയുടെ ആരോഗ്യം സംരക്ഷിക്കാൻ സഹായിക്കുന്ന ചില പ്രധാന പോഷകങ്ങൾ ഇതാ:

പ്രോട്ടീൻ
നമ്മുടെ മുടി നിർമ്മിച്ചിരിക്കുന്നത് കെരാറ്റിൻ എന്ന പ്രോട്ടീൻ കൊണ്ടാണ്. മുടിയുടെ വളർച്ചയ്ക്കും ബലത്തിനും തിളക്കത്തിനും ഇത് അത്യാവശ്യമാണ്. പ്രോട്ടീന്റെ കുറവ് മുടി പൊട്ടിപ്പോകാനും കനം കുറയാനും കാരണമാകും. മുട്ട, മത്സ്യം, കോഴിയിറച്ചി, പാൽ ഉൽപ്പന്നങ്ങൾ, പയറുവർഗ്ഗങ്ങൾ എന്നിവ പ്രോട്ടീന്റെ മികച്ച സ്രോതസ്സുകളാണ്.

ALSO READ: കുറഞ്ഞ സമയം കൊണ്ട് വീട് വൃത്തിയാക്കാം; ഈ സ്മാർട്ട് പ്ലാനിങ് ഒന്ന് പരീക്ഷിച്ചോളൂ…

ഇരുമ്പ്
ചുവന്ന രക്താണുക്കൾക്ക് ഓക്സിജൻ രോമകൂപങ്ങളിൽ എത്തിക്കാൻ ഇരുമ്പ് സഹായിക്കുന്നു. ശരീരത്തിൽ ഇരുമ്പിന്റെ അളവ് കുറയുന്നത് മുടി കൊഴിച്ചിലിനും മുടിയുടെ കനം കുറയുന്നതിനും കാരണമാകും. റെഡ് മീറ്റ്, കോഴിയിറച്ചി, ചീര, ബീൻസ്, പയർ തുടങ്ങിയവ ഭക്ഷണത്തിൽ ഉൾപ്പെടുത്തി ആവശ്യത്തിന് ഇരുമ്പ് ഉറപ്പാക്കാം.

വിറ്റാമിൻ ഡി
മുടിക്ക് ആവശ്യമായ പോഷകങ്ങളിൽ ഒന്നാണ് വിറ്റാമിൻ ഡി. ഇതിന്റെ കുറവ് മുടി കൊഴിച്ചിലിനും കനം കുറയുന്നതിനും കാരണമാകുമെന്ന് ഹാർവാർഡ് ഹെൽത്ത് റിപ്പോർട്ട് പറയുന്നു.

വിറ്റാമിൻ ബി-കോംപ്ലക്സ്
ബയോട്ടിൻ (വിറ്റാമിൻ ബി6), വിറ്റാമിൻ ബി12, ഫോളേറ്റ് എന്നിവ മുടിയുടെ ആരോഗ്യത്തിന് അത്യാവശ്യമാണ്. കെരാറ്റിൻ ഉത്പാദനത്തിന് ബയോട്ടിൻ പ്രധാനമാണ്. കൂടാതെ, കോശങ്ങളുടെ വളർച്ചയെ ഫോളേറ്റ് സഹായിക്കുന്നു.

ALSO READ: എന്താണ് ഡൽഹിയിൽ പടരുന്ന എച്ച്3എന്‍2 വൈറസ്? ലക്ഷണങ്ങളും പ്രതിരോധ മാർ​ഗങ്ങളും

വിറ്റാമിൻ എ, സി, ഇ
വിറ്റാമിൻ എ, സി, ഇ എന്നിവയും മുടിയുടെ ആരോഗ്യത്തിൽ നിർണായക പങ്ക് വഹിക്കുന്നു. മുടിയെ കേടുപാടുകളിൽ നിന്ന് സംരക്ഷിക്കാൻ ഇവ സഹായിക്കുന്നു. വിറ്റാമിൻ എ സീബം (sebum) ഉൽപാദനത്തിന് സഹായിക്കുന്നു, ഇത് തലയോട്ടിക്ക് ഈർപ്പം നൽകുന്നു. കൊളാജൻ സിന്തസിസിന് (collagen synthesis) വിറ്റാമിൻ സി അത്യാവശ്യമാണ്, അതേസമയം വിറ്റാമിൻ ഇ തലയോട്ടിയിലെ രക്തയോട്ടം വർദ്ധിപ്പിക്കുന്നു.

ഒമേഗ-3 ഫാറ്റി ആസിഡുകൾ
ഒമേഗ-3 ഫാറ്റി ആസിഡുകൾ മുടി നേരത്തേ കൊഴിയുന്നത് തടയുന്നു. നാഷണൽ ലൈബ്രറി ഓഫ് മെഡിസിൻ നടത്തിയ ഒരു പഠനത്തിൽ, ഒമേഗ-3, ഒമേഗ-6 സപ്ലിമെന്റുകൾ ആറു മാസം കഴിച്ച സ്ത്രീകളിൽ മുടികൊഴിച്ചിൽ ഗണ്യമായി കുറഞ്ഞതായും മുടിയുടെ കനം കൂടിയതായും കണ്ടെത്തി.

ശ്രദ്ധിക്കുക: ഈ ലേഖനം പൊതുവായ വിവരങ്ങൾ മാത്രമാണ് നൽകുന്നത്. ആരോഗ്യപ്രശ്നങ്ങൾക്ക് ഒരു ഡോക്ടറെ സമീപിക്കുന്നതാണ് ഉചിതം.

The post ഉള്ള് കുറഞ്ഞ മുടി ആണോ? നിരാശപ്പെടേണ്ട; ആരോഗ്യമുള്ള മുടിക്ക് വേണ്ടത് ഈ പോഷകങ്ങൾ appeared first on Express Kerala.