അനന്തു ആത്മഹത്യ കുറിപ്പിൽ കുറിച്ച ആ ‘എൻഎം’ ആരെന്നു തിരിച്ചറിഞ്ഞു, അന്വേഷണം പ്രദേശവാസിയായ ആർഎസ്എസ് പ്രവർത്തകനിലേക്ക്, ആത്മഹത്യാ പ്രേരണാക്കുറ്റം ചുമത്തും?

തിരുവനന്തപുരം: ആർഎസ്എസ് ശാഖയിൽ അതിക്രൂരമായ ലൈംഗികാതിക്രമം നേരിട്ടുവെന്നാരോപിച്ചു ജീവനൊടുക്കിയ കാഞ്ഞിരപ്പള്ളി വഞ്ചിമല ചാമക്കാലായിൽ അനന്തു അജിയുടെ (24) മരണത്തിൽ അന്വേഷണം പ്രദേശവാസിയായ ആർഎസ്എസ് പ്രവർത്തകനിലേക്കെന്നു റിപ്പോർട്ട്. അതുപോലെ അനന്തുവിനെ ക്രൂരമായ സ്വവർ​ഗരതിക്കു ഇരയാക്കിയെന്നു ആത്മഹത്യക്കുറിപ്പിൽ ആരോപണം ഉന്നയിച്ച എൻഎം ആരെന്ന് പോലീസ് കണ്ടെത്തി. അനന്തുവിന്റെ അടുത്ത രണ്ടു ബന്ധുക്കളും സുഹൃത്തുക്കളും ഇതു സംബന്ധിച്ചു പോലീസിനു വിശദമായ മൊഴി നൽകി. ഇതോടെ പ്രതിക്കെതിരെ തെളിവുകളും കൂടുതൽ പേരുടെ മൊഴികളും ശേഖരിച്ചശേഷം ആത്മഹത്യാ പ്രേരണക്കുറ്റം ചുമത്താനാണ് അന്വേഷണ സംഘത്തിന്റെ ആലോചന. […]