കൊച്ചി മേയർ തിരഞ്ഞെടുപ്പിനെച്ചൊല്ലി കോൺഗ്രസിനുള്ളിൽ തർക്കം രൂക്ഷമാകുന്നതിനിടെ, സ്ഥാനാർത്ഥിത്വത്തിൽ നിന്ന് ഒഴിവാക്കപ്പെട്ട ദീപ്തി മേരി വർഗീസിന് സിനിമാറ്റിക് പിന്തുണയുമായി നടൻ ടിനി ടോം. മേയർ സ്ഥാനം നിഷേധിക്കപ്പെട്ടതിലുള്ള അതൃപ്തി ദീപ്തി സോഷ്യൽ മീഡിയയിലൂടെ പങ്കുവെച്ചിരുന്നു. ഇതിനു താഴെയാണ് “സാവധാനം വരുന്നവർക്ക് സിംഹാസനം” എന്ന ടിനി ടോമിന്റെ കമന്റ് പ്രത്യക്ഷപ്പെട്ടത്.
കെപിസിസി മാനദണ്ഡങ്ങൾ അട്ടിമറിക്കപ്പെട്ടെന്നും തന്നെ ബോധപൂർവ്വം ഒഴിവാക്കിയതാണെന്നും ദീപ്തി പരാതിപ്പെട്ടതിന് പിന്നാലെ വന്ന ഈ പിന്തുണ സോഷ്യൽ മീഡിയയിൽ വലിയ രീതിയിൽ ശ്രദ്ധിക്കപ്പെട്ടിട്ടുണ്ട്. കോൺഗ്രസിനുള്ളിലെ ഗ്രൂപ്പ് പോര് രാഷ്ട്രീയ വൃത്തങ്ങളിൽ ചർച്ചയാകുമ്പോൾ, ദീപ്തിക്ക് ലഭിക്കുന്ന ഇത്തരം പരസ്യ പിന്തുണകൾ നേതൃത്വത്തിന് തലവേദനയാകുന്നുണ്ട്.
The post മേയർ കസേര കിട്ടിയില്ല, പക്ഷേ ദീപ്തിക്ക് ടിനി ടോമിന്റെ വക ‘മാസ്’ ഡയലോഗ്! സോഷ്യൽ മീഡിയ ഏറ്റെടുത്തു appeared first on Express Kerala.
