ഉത്തർപ്രദേശിലെ ഷംലിയിൽ മൂന്ന് വയസ്സുള്ള ആൺകുട്ടിയെ പന്ത്രണ്ടുകാരൻ ലൈംഗികമായി പീഡിപ്പിച്ചു. വീടിന് പുറത്ത് കളിച്ചുകൊണ്ടിരുന്ന കുഞ്ഞിനെ മധുരപലഹാരം നൽകി പ്രലോഭിപ്പിച്ചാണ് പന്ത്രണ്ട് വയസ്സുള്ള കുട്ടി ക്രൂരതയ്ക്ക് ഇരയാക്കിയതെന്ന് പോലീസ് റിപ്പോർട്ട് ചെയ്തു. കാന്ധ്ല പോലീസ് സ്റ്റേഷൻ പരിധിയിലാണ് മനഃസാക്ഷിയെ നടുക്കുന്ന ഈ സംഭവം നടന്നത്.
പരാതി ലഭിച്ചതിനെത്തുടർന്ന് പന്ത്രണ്ടുകാരനെ പോലീസ് കസ്റ്റഡിയിലെടുക്കുകയും ജുവനൈൽ കോടതിയിൽ ഹാജരാക്കുകയും ചെയ്തു. തുടർന്ന് കോടതി നിർദ്ദേശപ്രകാരം കുട്ടിയെ കറക്ഷൻ ഹോമിലേക്ക് മാറ്റിയിരിക്കുകയാണ്. പീഡനത്തിന് ഇരയായ മൂന്ന് വയസ്സുകാരനെ വിദഗ്ധ വൈദ്യപരിശോധനയ്ക്കായി ആശുപത്രിയിലേക്ക് അയച്ചതായും സംഭവത്തിൽ കൂടുതൽ അന്വേഷണം നടന്നുവരികയാണെന്നും സ്റ്റേഷൻ ഹൗസ് ഓഫീസർ സതീഷ് ചന്ദ് വ്യക്തമാക്കി.
The post ഉത്തർപ്രദേശിൽ മൂന്ന് വയസ്സുകാരനെ പന്ത്രണ്ടുകാരൻ പീഡിപ്പിച്ചു; ക്രൂരത മധുരപലഹാരം നൽകി പ്രലോഭിപ്പിച്ച് appeared first on Express Kerala.
