മുംബൈ: ഇന്ത്യന് പേസര് ജസ്പ്രീത് ബുംറയ്ക്ക് ഇതെന്തു പറ്റി? ആരാധകരുടെ ചോദ്യമാണിത്.
ഇന്ത്യന് പ്രീമിയര് ലീഗില് മുംബൈ ഇന്ത്യന്സ് തുടര്ച്ചായ മൂന്നാ ംമത്സരത്തില് തോല്വി ഏറ്റുവാങ്ങുമ്പോള് കൂടുതല് വിമര്ശനവും നീളുന്നത് ബംറയ്ക്കെതിരേയാണ്. ഇതുവരെ മുംബൈ ഇന്ത്യന്സ് കളിച്ച നാല് ഐപിഎല് മത്സരങ്ങളില് ഒന്നില് പോലും ബംറയ്ക്ക് വിക്കറ്റൊന്നും നേടാനായിട്ടില്ല. കഴിഞ്ഞ മത്സരത്തില് സ്വന്തം തട്ടകത്തില് ബംഗളൂരു റോയല് ചലഞ്ചേഴ്സിനോട് ദയനീയമായി മുംബൈ പരാജയപ്പെടുകയും ചെയ്തു.
ഈ സീസണില് മുംബൈ ഇന്സ് ആദ്യം നേരിട്ട കൊല്ക്കത്ത നൈറ്റ് റൈഡേഴ്സിനെതിരെ ബുംറ നാല് ഓവര് എറിഞ്ഞപ്പോള് 35 റണ്സ് വഴങ്ങി. ഡല്ഹിക്കെതിരായ രണ്ടാം മത്സരത്തിലാവട്ടെ നാല് ഓവറില് 21 റണ്സ് മാത്രമേ വഴങ്ങിയുള്ളൂ എങ്കിലും വിക്കറ്റൊന്നും കിട്ടിയില്ല. പിന്നീട് രാജസ്ഥാന് റോയല്സിനെതിരായ മത്സരത്തില് മൂന്ന് ഓവറില് 32 റണ്സും റോയല് ചലഞ്ചേഴ്സ് ബെംഗളൂരുവിനെതിരായ മത്സരത്തില് നാല് ഓവറില് 35 റണ്സുമാണ് വഴങ്ങിയത്. ഇതോടെ ബുംറയുടെ വിക്കറ്റ് നേടുന്ന കഴിവൊക്കെ പോയോ എന്നാണ് ആരാധകരുടെ ചോദ്യം. ബംഗളൂരുവിനെതിരായ മത്സരത്തില് 18 റണ്സിനാണ് മുംബൈ തോറ്റത്. ആര്സിബി പടുത്തുയര്ത്തിയ 241 റണ്സെന്ന പടുകൂറ്റന് സ്കോര് മറികടക്കാന് മുംബൈയ്ക്കായില്ല. മറുപടി ബാറ്റിങ്ങില് നിശ്ചിത 20 ഓവറില് അഞ്ച് വിക്കറ്റ് നഷ്ടത്തില് 222 റണ്സാണ് മുംബൈ നേടിയത്.
മറുപടി ബാറ്റിങ്ങിനായി ഇറങ്ങിയ മുംബൈ തുടക്കം മുതലേ മികച്ച രീതില് ബാറ്റ് വീശി. പവര്പ്ലേ അവസാനിക്കുമ്പോള് വിക്കറ്റുകള് ഒന്നും തന്നെ നഷ്ടപ്പെടാതെ 62 റണ്സായിരുന്നു രോഹിത് – റയാന് റിക്കല്ട്ടണ് ഓപ്പണിങ് കൂട്ടുകെട്ട് അടിച്ചെടുത്തിരുന്നത്. എന്നാല്, എട്ടാം ഓവറില് സായുഷ് ശര്മയെ കൊണ്ടുവന്നതോടെ റയാന് പിഴച്ചു.
ഉയര്ന്നുപൊന്തിയ പൊന്തിയ പന്ത് ഭുവനേശ്വര് കുമാറിന്റെ കൈകളില് ഭദ്രം. മികച്ച ഫോമിലായിരുന്നെങ്കിലും പരിക്കേറ്റ രോഹിത് ശര്മ റിട്ടയേര്ഡ് ഹര്ട്ടായി.
തിലക് വര്മയും വേഗത്തില് മടങ്ങി. ക്രുണാല് പാണ്ഡ്യ, സൂര്യകുമാര് യാദവിന്റെ വിക്കറ്റ് സ്വന്തമാക്കി.
പിന്നാലെ 22 പന്തില് 40 റണ്സെടുത്ത ഹാര്ദിക് പാണ്ഡ്യയും നമന് ധിറും (1) കൂടാരം കയറി. 31 പന്തില് പുറത്താവാതെ 71 റണ്സ് നേടിയ ഷെഫാനെ റുതര്ഫോര്ഡാണ് മുംബൈയുടെ ടോപ് സ്കോറര്. മിച്ചല് സാന്റ്നര് (8) എന്നിവരുടെ ഇന്നിംഗ്സുകള് മുംബൈയുടെ തോല്വിഭാരം കുറയ്ക്കാന് വേണ്ടി മാത്രമാണ് സഹായിച്ചത്. ഒമ്പത് സിക്സും ഒരു ഫോറും ഉള്പ്പെടുന്നതായിരുന്നു റുതര്ഫോര്ഡിന്റെ ഇന്നിംഗ്സ്.
ആദ്യം ബാറ്റിങ്ങിന് ഇറങ്ങിയ ബെംഗളുരുവിന് വേണ്ടി 36 പന്തില് നിന്ന് 78 റണ്സോടെ ഫില് സാള്ട്ട് തിളങ്ങി. വിരാട് കോഹ്ലി ഒരു സിക്സറും അഞ്ച് ബൗണ്ടറികളുമടക്കം 38 പന്തില് 50 റണ്സും നായകന് പാട്ടിദാര് അഞ്ച് സിക്സറും നാല് ബൗണ്ടറികളും അടക്കം 20 പന്തില് 53 റണ്സുമാണ് നേടിയത്.
