കണ്ണൂർ: അഞ്ചരക്കണ്ടി ദന്തൽ കോളജ് വിദ്യാർഥി നിതിൻ രാജിന്റെ മരണത്തിൽ നിർണായക വഴിത്തിരിവായി പുതിയ ശബ്ദസന്ദേശങ്ങൾ. തന്റെ ലക്ഷ്യത്തിൽ ഉറച്ചുനിൽക്കുമെന്ന് സുഹൃത്തിനോട് പറയുന്ന നിതിന്റെ ഓഡിയോ സന്ദേശമാണ് പുറത്തുവന്നിരിക്കുന്നത്. ‘ആര് തളർത്തിയാലും ഡോക്ടറായിട്ടേ ഞാൻ ഈ കോളജിൽ നിന്ന് പുറത്തിറങ്ങൂ’ എന്ന് നിതിൻ സുഹൃത്തിനോട് ഉറപ്പിച്ചു പറയുന്നുണ്ട്. പരീക്ഷാ ഹാളിൽ വെച്ച് തനിക്ക് പിന്തുണ നൽകിയ ഒരു അധ്യാപകനെക്കുറിച്ചും നിതിൻ സൂചിപ്പിക്കുന്നു. മാനസിക പ്രയാസങ്ങൾ വന്നാൽ റിപ്പോർട്ട് ചെയ്യാൻ ആ അധ്യാപകൻ പറഞ്ഞുവെന്നുമാണ് നിതിൻ സന്ദേശത്തിൽ പറഞ്ഞത്. […]
