മനാമ. കെഎംസിസി ബഹ്റൈൻ ഒലിവ് സാംസ്കാരിക വേദി നടത്തിയ കെഎംസിസി പ്രവർത്തകരുടെ സർഗ്ഗ സംഗമം അവിസ്മരണീയമായ ഒരനുഭവമായി മാറി. രണ്ടാം ഈദ് ദിനത്തിൽ കെഎംസിസി ഓഡിറ്റോറിയത്തിൽ വെച്ചാണ് സംഗമം നടന്നത്.
കെഎംസിസി കലാകാരന്മാർ ഒരുക്കിയ സംഗീത വിരുന്ന് വ്യത്യസ്തമായ അനുഭൂതി ഉളവാക്കുന്നതായിരുന്നു.
കൂടാതെ സംഗമം പ്രവർത്തകരുടെ സർഗാത്മകത തെളിയിക്കുന്നത് കൂടിയായി മാറുകയായിരുന്നു.
ഒലിവ് സാംസ്കാരിക വേദി ചെയർമാൻ റഫീക്ക് തോട്ടക്കര അധ്യക്ഷനായിരുന്നു.
കെഎംസിസി ബഹ്റൈൻ പ്രസിഡന്റ് ഹബീബ് റഹ്മാൻ സംഗമം ഉത്ഘാടനം ചെയ്തു. ജീവിതത്തിന്റെ വഴിത്താരയിൽ പ്രവാസികൾക്ക് കൈമോശം വന്നു പോകുന്ന ഇത്തരം ഈദ് ആഘോഷങ്ങൾ പുനർജനിക്കുന്നതായിരുന്നു ഒലിവ് സാംസ്കാരിക വേദി നടത്തുന്ന ഇത്തരം പരിപാടികളെന്നൂ ഉൽഘാടന പ്രസംഗത്തിൽ ഹബീബ് റഹ്മാൻ ചൂണ്ടിക്കാട്ടി. അതോടൊപ്പം കലാകാരന്മാരുടെ ഒരു നിര തന്നെ കെഎംസിസി കുടുംബത്തിൽ ഉണ്ടെന്നുള്ളതിന്റെ തെളിവാണ് സംഗമത്തിൽ പങ്കെടുത്തവരുടെ സർഗ്ഗാത്മകത തെളിയിക്കുന്നതെന്ന് അദ്ദേഹം ചൂണ്ടിക്കാട്ടി.
കെഎംസിസി ജനറൽ സെക്രട്ടറി ശംസുദ്ദിൻ വെള്ളികുളങ്ങര, വേൾഡ് കെഎംസിസി സെക്രട്ടറി അസൈനാർ കളത്തിങ്കൽ, ഖത്തർ കെഎംസിസി വനിതാ വിങ്ങ് പ്രസിഡന്റ് സമീറ റഫീഖ്, കെഎംസിസി ബഹ്റൈൻ ട്രഷറർ കെ പി മുസ്തഫ എന്നിവർ ആശംസകൾ നേർന്നു.
ജനറൽ കൺവീനർ പി വി സിദ്ദിക്ക് സ്വാഗതവും സഹൽ തൊടുപുഴ നന്ദിയുംപറഞ്ഞു.
കുട്ടൂസ മുണ്ടേരി, ശരീഫ് വില്യപ്പള്ളി, ഒ കെ. ഖാസിം
സംസ്ഥാന ഭാരവാഹികളായ ഫൈസൽ കണ്ടിത്താഴ,
ഗഫൂർ കൈപ്പമംഗലം,
എ പി ഫൈസൽ തുടങ്ങി
ജില്ലാ ഏരിയ മണ്ഡലം പഞ്ചായത്ത് ഭാരവാഹികൾ എന്നിവർ പങ്കെടുത്തു.
അൻവർ വടകര, സിദ്ദിഖ് കരിപ്പൂർ തുടങ്ങി ഏറെ കലാകാരന്മാരും കലാകാരികളും പരിപാടിയിൽ സജീവമായി പങ്കെടുത്തു..
