മനാമ: ബഹ്റൈനിലെ സഗയ്യയിൽ പ്രവർത്തിച്ചു വന്ന മിഡിൽ ഈസ്റ്റ് ഹോസ്പിറ്റൽ ഏറ്റെടുത്ത് കൊണ്ടാണ്
അൽ ഹിലാൽ പ്രീമിയർ ഹോസ്പിറ്റൽ എന്ന പേരിൽ പ്രവർത്തനമാരംഭിച്ചതായി അൽ ഹിലാൽ ഹെൽത്ത്കെയർ ഗ്രൂപ്പ് അധികൃതർ വാർത്താസമ്മേളനത്തിൽ അറിയിച്ചത്.അൽ ഹിലാൽ ഹെൽത്ത്കെയർ ഗ്രൂപ്പിൻ്റെ പത്താമത്തെ ശാഖയും രണ്ടാമത്തെ ആശുപത്രിയുമാണ് ഇതോടെ ബഹ്റൈനിൽ പ്രവർത്തനം ആരംഭിച്ചത്.
65 കിടക്കകളുള്ള ഈ ആശുപത്രിയിൽ മികച്ച സേവനങ്ങളോടെ പരിചരണം നൽകാൻ അതി വിദഗ്ധരായ ആരോഗ്യ പ്രവർത്തകരാണ് ഉള്ളതെന്നും, കാർഡിയോളജി, ഗ്യാസ്ട്രോഎൻട്രോളജി, യൂറോളജി, ജനറൽ മെഡിസിൻ, ജനറൽ സർജറി, ബാരിയാട്രിക് സർജറി, പീഡിയാട്രിക്സ്, ഇ.എൻ.ടി, ഒബ്സ്റ്റട്രിക്സ് ആൻ്റ് ഗൈനക്കോളജി, ദന്തചികിത്സ, ഓർത്തോപീഡിക്സ്, ഇന്റേണൽ മെഡിസിൻ, ന്യൂറോളജി, ന്യൂറോ സർജറി തുടങ്ങിയ നിരവധി സേവനങ്ങൾഅൽ ഹിലാൽ പ്രീമിയർ ഹോസ്പിറ്റലിൽ ഒരുക്കിയിതയായും വാർത്താ സമ്മേളനത്തിൽ അൽ ഹിലാൽ മനേജ്മെൻ്റ് അറിയിച്ചു. അൽ ഹിലാൽ ഹെൽത്ത് കെയറിന്റെ പുതിയ ലോഗോ പ്രകാശനവും ടീസർ വീഡിയോ പ്രകാശനവും വാർത്താസമ്മേളനത്തോടനുബന്ധിച്ച് നടന്നു.
അൽ ഹിലാൽ ഹെൽത്ത്കെയർ ഗ്രൂപ്പ് മാനേജിംഗ് ഡയറക്ടർമാരായ ഡോ. പി.എ. മുഹമ്മദ്, അബ്ദുൽ ലത്തീഫ്, സിഇഒ ഡോ. ശരത് ചന്ദ്രൻ, വൈസ് പ്രസിഡണ്ട് ആസിഫ് മുഹമ്മദ്, ഫിനാൻസ് മാനേജർ സി.എ. സഹൽ ജമാലുദ്ദീൻ, മെഡിക്കൽ ഡയറക്ടർ ഡോ. അമർ അൽ-ഡെറാസി എന്നിവർ വാർത്താസമ്മേളനത്തിലും സോഫ്റ്റ് ലോഞ്ചിലും പങ്കെടുത്തു.
