ഹേഗ്: റഷ്യ-യുക്രെയ്ന് സംഘര്‍ഷത്തില്‍ യുക്രെയ്‌നെ സഹായിക്കുന്നതിന് കൂടുതല്‍ പാട്രിയ്റ്റ് മിസൈലുകള്‍ നല്‍കുന്നത് പരിഗണനയിലാണെന്ന് അമേരിക്കന്‍ പ്രസിഡന്റ് ഡോണള്‍ഡ് ട്രംപ്. മിസൈലുകള്‍ തകര്‍ക്കാന്‍ ശേഷിയുള്ള പാട്രിയറ്റ് മിസൈലുകള്‍ ലഭിക്കാന്‍ വലിയ ബുദ്ധിമുട്ടാണെങ്കിലും ഏതാനും എണ്ണം ലഭ്യമാക്കാന്‍ സാധിക്കുമോയെന്ന് പരിശോധിക്കും. യുക്രെയ്ന് പ്രസിഡന്റ് വൊളോഡിമിര്‍ സെലെന്‍സ്‌കിയുമായുള്ള കൂടിക്കാഴ്ചയ്ക്കു ശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു ട്രംപ്.
Also Read: സൈനിക കമാന്‍ഡര്‍ അലി ഷദ്മാനി കൊല്ലപ്പെട്ടെന്ന് സ്ഥിരീകരിച്ച് ഇറാന്‍
യുക്രെയ്ന് കൂടുതല്‍ സൈനിക സഹായം നല്‍കുന്നതിനുള്ള സാധ്യത ട്രംപ് തള്ളിക്കളഞ്ഞില്ല. സംഘര്‍ഷം അവസാനിപ്പിക്കാന്‍ വൊളോഡിമിര്‍ സെലെന്‍സ്‌കി ആഗ്രഹിക്കുന്നുണ്ടെന്നും റഷ്യന്‍ പ്രസിഡന്റ് വ്‌ളാഡിമിര്‍ പുട്ടിനുമായി ഇതേ കുറിച്ച് എത്രയും വേഗം സംസാരിക്കുമെന്നും ട്രംപ് പറഞ്ഞു. യുഎസുമായി ചേര്‍ന്ന് സംയുക്തമായി ഡ്രോണുകള്‍ നിര്‍മിക്കുന്നതിനെ കുറിച്ച് ഡോണള്‍ഡ് ട്രംപുമായുള്ള കൂടിക്കാഴ്ചയില്‍ സംസാരിച്ചെന്ന് വൊളോഡിമിര്‍ സെലെന്‍സ്‌കി പറഞ്ഞു. ട്രംപ് – സെലെന്‍സ്‌കി കൂടിക്കാഴ്ച അന്‍പതു മിനിറ്റോളം നീണ്ടു.
The post യുക്രെയ്‌നിന് പാട്രിയ്റ്റ് മിസൈലുകള്‍ നല്‍കുന്നത് പരിഗണനയില്‍; ഡോണള്‍ഡ് ട്രംപ് appeared first on Express Kerala.
