തിരുവനന്തപുരം: ന്യൂസിലന്ഡിനെതിരായ അഞ്ചാം ടി20യിലും സഞ്ജു സാംസണ് നിരാശ. ഗ്രീന്ഫീല്ഡ് സ്റ്റേഡിയത്തില് ടോസ് നേടി ബാറ്റിംഗ് തെരഞ്ഞെടുത്ത ഇന്ത്യക്ക് വേണ്ടി ഇന്നിംഗ്സ് ഓപ്പണ് ചെയ്ത സഞ്ജു ആറ് റണ്സെടുത്ത് പുറത്തായി. ഹോം ഗ്രൗണ്ടില് സഞ്ജുവിന്റെ ആദ്യ അന്താരാഷ്ട്ര മത്സരമായിരുന്നു ഇത്.
ഇന്ത്യ ഒടുവില് വിവരം ലഭിക്കുമ്പോള് 10 ഓവറില് രണ്ട് വിക്കറ്റ് നഷ്ടത്തില് 102 റണ്സെടുത്തിട്ടുണ്ട്. സൂര്യകുമാര് യാദവ് (27), ഇഷാന് കിഷന് (39) എന്നിവരാണ് ക്രീസില്. കിവീസിന് വേണ്ടി ലോക്കി ഫെര്ഗൂസണ് രണ്ട് വിക്കറ്റെടുത്തു.
മൂന്നാം ഓവറിലാണ് സഞ്ജു മടങ്ങുന്നത്. ലോക്കി ഫെര്ഗൂസണിന്റെ പന്തില് തേര്ഡ് മാനില് ബെവോണ് ജേക്കബ്സിന് ക്യാച്ച് നല്കിയാണ് സഞ്ജു മടങ്ങിയത്. സ്കോര് ബോര്ഡില് 31 റണ്സാണ് അപ്പോള് ഉണ്ടായിരുന്നത്. പിന്നാലെ അഭിഷേക് ശര്മയും (14 പന്തില് 30) പുറത്തായി.
അഭിഷേക് ഫെര്ഗൂസണിന്റെ തന്നെ പന്തില് ബൗള്ഡാവുകയായിരുന്നു. നേരത്തെ, മൂന്ന് മാറ്റങ്ങള് വരുത്തിയാണ് ഇന്ത്യ ഇറങ്ങിയത്.
ഇഷാന് കിഷന്, അക്സര് പട്ടേല്, വരുണ് ചക്രവര്ത്തി എന്നിവര് പ്ലെയിംഗ് ഇലവനില് തിരിച്ചെത്തി.ഹര്ഷിത് റാണ, രവി ബിഷ്ണോയി, കുല്ദീപ് യാദവ് എന്നിവരാണ് വഴിമാറിയത്. ന്യൂസിലന്ഡ് നാല് മാറ്റം വരുത്തി. ഫിന് അലന്, ജെയിംസ് നീഷം, കെയ്ല് ജാമിസണ്, ലോക്കി ഫെര്ഗൂസണ് എന്നിവര് തിരിച്ചെത്തി.
