മെല്ബണ്:ഓസ്ട്രേലിയന് ഓപ്പണ് പുരുഷ സിംഗിള്സ് കിരീടം സ്പാനിഷ് താരം കാര്ലോസ് അല്കാരസിന്.ഫൈനലില് സെര്ബിയന് താരം നൊവാക് ജോക്കോവിച്ചിനെ പരാജയപ്പെടുത്തി.സ്കോര്: 2-6, 6-2, 6-3, 7-5.
ആദ്യ സെറ്റ് നഷ്ടമായ ശേഷം മൂന്നു സെറ്റുകള് തുടര്ച്ചയായി വിജയിച്ചാണ് അല്കാരസിന്റെ കിരീട നേട്ടം. ഈ ജയത്തോടെ കരിയര് ഗ്രാന്സ്ലാം നേട്ടം കൈവരിക്കുന്ന ഏറ്റവും പ്രായം കുറഞ്ഞ താരമെന്ന റിക്കാര്ഡും 22 വയസുകാരനായ അല്കാരസിനെ തേടിയെത്തി.
ആദ്യ സെറ്റ് ജോക്കോവിച്ച് നേടിയെങ്കിലും രണ്ടാം സെറ്റില് അല്കാരസ് ശക്തമായി തിരിച്ചുവന്നു. ജോക്കോവിച്ചിന്റെ സര്വീസുകള്ക്ക് മികച്ച റിട്ടേണുകള് നല്കിയ താരം 6-2 ന് സെറ്റ് നേടി.6-3 ന് മൂന്നാം സെറ്റ്പിടിച്ചെടുത്ത് അല്കാരസ് മുന്നിലെത്തി.നാലാം സെറ്റില് അതിവേഗത്തിലുള്ള നീക്കങ്ങളിലുടെ വീണ്ടും അല്കാരസ് മുന്നിലെത്തിയെങ്കിലും ജോക്കോവിച്ചും പൊരുതിയതോടെ സ്കോര് 5-5 എന്ന നിലയിലായി.
ഇതോടെ മത്സരം ടൈ ബ്രേക്കറിലേക്ക്. തുടര്ന്ന് ഉദ്വേഗഭരിതമായ പോരാട്ടമാണ് നടന്നത്. അവസാനം 7-5ന് ജയിച്ച് അല്കാരസ് കിരീടം നേടി.
കഴിഞ്ഞ ദിവസം നടന്ന വനിതാ ഫൈനലില് എലെന റിബാക്കിന വിജയിച്ചു.ആര്യന സബലങ്കെയെ ആണ് പരാജയപ്പെടുത്തിയത്.സ്കോര് 6-4,4-6,6-4.എലെന റിബാക്കിനയുടെ ആദ്യ ഓസ്ട്രേലിയന് ഓപ്പണ് കിരീടമാണിത്.രണ്ടാമത് ഗ്രാന്സ്ലാം കിരീട നേട്ടവുമാണ്.
