ആലപ്പുഴ: യുഡിഎഫ് എല്ലാ വിഭാഗം വർഗീയവാദികളുമായും പരസ്യമായ കൂട്ടുകെട്ടുണ്ടാക്കുകയാണെന്ന് സിപിഎം സംസ്ഥാന സെക്രട്ടറി എം.വി. ഗോവിന്ദൻ. അമ്പലപ്പുഴയിൽ എൽഡിഎഫ് ജയിക്കുമെന്ന് അദ്ദേഹം പറഞ്ഞു. ജി.സുധാകരൻ സ്വതന്ത്രൻ അല്ല യുഡിഎഫുകാരനാണ്. ഇടതുപക്ഷവുമായി അദ്ദേഹത്തിന് ഒരു ബന്ധവുമില്ല. യുഡിഎഫ് പിന്തുണക്കുന്ന ജമാഅത്തെ ഇസ്ലാമിയുമായാണ് സുധാകരന്റെ ചങ്ങാത്തമെന്നും ഗോവിന്ദൻ വിമർശിച്ചു.വയനാടിനായി കോൺഗ്രസ് പിരിച്ച ഫണ്ടിനെക്കുറിച്ച് മിണ്ടാട്ടമില്ലെന്നും എം.വി.ഗോവിന്ദൻ പറഞ്ഞു. കോൺഗ്രസ് പിരിച്ച പണം എവിടെയാണെന്ന മുഖ്യമന്ത്രിയുടെ ചോദ്യങ്ങൾക്ക് കോൺഗ്രസിന് മറുപടിയില്ല. ഒന്നര വർഷമായി പിരിച്ച ഫണ്ടും വീടും എവിടെയെന്നും അദ്ദേഹം ചോദിച്ചു.
