പത്തനംതിട്ട: ലോക്സഭാ പ്രതിപക്ഷ നേതാവ് രാഹുൽ ഗാന്ധി ഇന്ന് കേരളത്തിൽ. പത്തനംതിട്ട, കോട്ടയം ജില്ലകളിലെ വിവിധ മണ്ഡലങ്ങളിലായി നടക്കുന്ന വിപുലമായ പ്രചാരണ പരിപാടികളിലും പൊതുസമ്മേളനങ്ങളിലും അദ്ദേഹം പങ്കെടുക്കും. രാവിലെ പത്തനംതിട്ട ജില്ലയിലെ പരിപാടികളോടെയാണ് രാഹുൽ ഗാന്ധിയുടെ പര്യടനം ആരംഭിക്കുന്നത്.
11: 30ന് അടൂരിൽ വർണ്ണാഭമായ റോഡ് ഷോ. 12: 15ന് അടൂരിലെ പൊതുസമ്മേളനത്തിൽ പ്രസംഗിക്കും. യുഡിഎഫ് സ്ഥാനാർത്ഥി സി.വി. ശാന്തകുമാറിനായി വോട്ടഭ്യർത്ഥിക്കും.1 മണിക്ക് പത്തനംതിട്ടയിൽ നടക്കുന്ന പൊതുയോഗത്തിൽ പങ്കെടുക്കും. ആറന്മുള, കോന്നി, റാന്നി, തിരുവല്ല മണ്ഡലങ്ങളിലെ യുഡിഎഫ് സ്ഥാനാർത്ഥികളുടെ പ്രചാരണത്തിന് അദ്ദേഹം നേതൃത്വം നൽകും.
Also Read: വികസനരേഖ നിരത്തി മുഖ്യമന്ത്രി! പ്രതിപക്ഷ നേതാവിന്റെ വെല്ലുവിളി ഏറ്റെടുത്ത് തുറന്ന സംവാദത്തിന് സജ്ജം
പത്തനംതിട്ടയിലെ പരിപാടികൾക്ക് ശേഷം ഹെലികോപ്റ്റർ മാർഗ്ഗം ഉച്ചയ്ക്ക് 2:45-ഓടെ പാമ്പാടി ആർ.ഐ.ടി എൻജിനീയറിംഗ് കോളേജ് ഗ്രൗണ്ടിൽ ഇറങ്ങും. 3 00 മണിക്ക് പുതുപ്പള്ളി മണ്ഡലത്തിലെ തിരഞ്ഞെടുപ്പ് പ്രചാരണത്തിന്റെ ഭാഗമായി പാമ്പാടി ബസ് സ്റ്റാൻഡ് മൈതാനിയിലെ പൊതുസമ്മേളനത്തിൽ സംസാരിക്കും. തുടർന്ന് കഞ്ഞിക്കുഴിയിൽ നടക്കുന്ന കോട്ടയം മണ്ഡലത്തിലെ പ്രചാരണ യോഗത്തിലും, 5 മണിയോടെ ഏറ്റുമാനൂർ മണ്ഡലത്തിന്റെ ഭാഗമായ അതിരമ്പുഴ മാർക്കറ്റ് ജംഗ്ഷനിലെ യോഗത്തിലും അദ്ദേഹം പങ്കെടുക്കും. യുഡിഎഫ് സംസ്ഥാന നേതാക്കളും വിവിധ മണ്ഡലങ്ങളിലെ സ്ഥാനാർത്ഥികളും രാഹുൽ ഗാന്ധിക്കൊപ്പം വിവിധ വേദികളിൽ അണിനിരക്കും.
The post രാഹുൽ ഗാന്ധി ഇന്ന് കേരളത്തിൽ; പത്തനംതിട്ടയിലും കോട്ടയത്തും വമ്പൻ പ്രചാരണം appeared first on Express Kerala.
