മലയാള സിനിമ കാത്തിരിക്കുന്ന മഹേഷ് നാരായണൻ ചിത്രം ‘പേട്രിയറ്റി’ന്റെ ആവേശം വാനോളമുയർത്തി പുതിയ പോസ്റ്റർ പുറത്തിറങ്ങി. മോഹൻലാലും ഇന്ദ്രൻസും മുഖാമുഖം നിൽക്കുന്ന തീക്ഷ്ണമായ പോസ്റ്റർ മെഗാസ്റ്റാർ മമ്മൂട്ടിയാണ് തന്റെ സോഷ്യൽ മീഡിയ പേജുകളിലൂടെ പങ്കുവെച്ചത്.
മമ്മൂട്ടി, മോഹൻലാൽ എന്നിവർക്കൊപ്പം നയൻതാര, രേവതി, ഫഹദ് ഫാസിൽ, കുഞ്ചാക്കോ ബോബൻ തുടങ്ങി മലയാളത്തിലെ മുൻനിര താരങ്ങളെല്ലാം അണിനിരക്കുന്ന ചിത്രമാണ് ‘പേട്രിയറ്റ്’. 18 വർഷത്തെ ഇടവേളയ്ക്ക് ശേഷം മലയാളത്തിലെ രണ്ട് ഇതിഹാസ താരങ്ങൾ ഒരുമിച്ച് നായകന്മാരായി എത്തുന്നു എന്ന സവിശേഷതയും ഈ ചിത്രത്തിനുണ്ട്. മമ്മൂട്ടിയും മോഹൻലാലും ചേർന്ന് പുറത്തിറക്കിയ ചിത്രത്തിന്റെ ട്രെയ്ലർ ഇതിനോടകം തന്നെ യൂട്യൂബിൽ ആഗോള തലത്തിൽ തരംഗമായിക്കഴിഞ്ഞു. തൃശ്ശൂർ രാഗം തിയേറ്ററിൽ മമ്മൂട്ടിയും എറണാകുളം കവിതയിൽ മോഹൻലാലും എത്തിയാണ് ട്രെയ്ലർ ലോഞ്ച് നിർവഹിച്ചത്.
Also Read: കുഞ്ചാക്കോ ബോബൻ- ലിജോമോൾ ജോസ് ചിത്രം ‘ഉന്മാദം’; ഫസ്റ്റ് ലുക്ക് പുറത്ത്!
ആന്റോ ജോസഫ് ഫിലിം കമ്പനി, കിച്ചപ്പു ഫിലിംസ് എന്നിവയുടെ ബാനറിൽ ആന്റോ ജോസഫും കെ.ജി. അനിൽകുമാറും ചേർന്നാണ് ഈ ബിഗ് ബജറ്റ് ചിത്രം നിർമിക്കുന്നത്. ദർശന രാജേന്ദ്രൻ, പ്രകാശ് ബെലവാടി, ജിനു ജോസഫ് തുടങ്ങിയവരും പ്രധാന വേഷങ്ങളിൽ എത്തുന്നുണ്ട്. 2026 മെയ് ഒന്നിന് ലോകമെമ്പാടുമുള്ള തിയേറ്ററുകളിൽ ‘പേട്രിയറ്റ്’ പ്രദർശനത്തിനെത്തും. മലയാള സിനിമയിലെ പുതിയ കളക്ഷൻ റെക്കോർഡുകൾ ചിത്രം തിരുത്തിക്കുറിക്കുമെന്നാണ് സിനിമാ പ്രേമികളുടെ പ്രതീക്ഷ.
The post മെയ് ഒന്നിന് ചരിത്രം കുറിക്കാൻ ‘പേട്രിയറ്റ്’; പുതിയ പോസ്റ്റർ പുറത്തിറങ്ങി! appeared first on Express Kerala.
