മനാമ: അറിവിന്റെ ആഴം തൊട്ട ഏഴര പതിറ്റാണ്ട് പൂർത്തിയാക്കിയ “പ്രബോധനം” വാരികയുടെ വിശേഷാൽ പതിപ്പിന്റെ ബഹ്‌റൈൻ തല പ്രകാശനം ജമാഅത്തെ ഇസ്ലാമി അധ്യക്ഷൻ പി. മുജീബ് റഹ്‌മാൻ കെ.എം.സി.സി ജനറൽ സെക്രട്ടറി ശംസുദ്ധീൻ വെള്ളികുളങ്ങരക്ക് നൽകി പ്രകാശനം ചെയ്തു. ‘ഇന്ത്യൻ മുസ്‌ലിം സ്വാതത്രത്തിന് ശേഷം; എന്ന തലക്കെട്ടിൽ പുറത്തിറക്കിയ പതിപ്പിൽ നാടും സമുദായവും പിന്നിട്ട പ്രധാന നാഴികക്കല്ലുകൾ രേഖപ്പെടുത്തിയിട്ടുണ്ട്. 460 പേജുള്ള സ്പെഷ്യൽ പതിപ്പ് രാഷ്ട്രീയ, സാമൂഹിക, സാംസ്കാരിക മേഖലകളിൽ പ്രവർത്തിക്കുന്നവർക്കും സാധാരണക്കാർക്കും ഏറെ വെളിച്ചം നൽകുന്നതാണ്.
വിഷയസംബന്ധിയായ അറുപതോളം കനപ്പെട്ട ലേഖനങ്ങളും 22 പഠനാർഹമായ കുറിപ്പുകളും ഉള്ള ഈ ബൃഹത്തായ രേഖ പുതുതലമുറക്ക് വളരെയേറെ പ്രയോജനപ്പെടുമന്ന രീതിയിലാണ് തയ്യാറാക്കിയിട്ടുള്ളത്.
ഇന്ത്യൻ മുസ്‌ലിംകളുടെ ചരിത്രവും വിവരണങ്ങളും കൊണ്ട് ശ്രദ്ധേയമായ ഈ പതിപ്പിന്റെ ചീഫ് എഡിറ്റർ കൂട്ടിൽ മുഹമമ്മദലി ആണ് .
ചടങ്ങിൽ സുബൈർ എം.എം. അധ്യക്ഷത വഹിച്ചു. സഈദ് റമദാൻ നദ്‌വി, ജമാൽ നദ്‌വി, സമീർ ഹസൻ, സക്കീർ ഹുസൈൻ, ജാസിർ പി.പി, അജ്‌മൽ ശറഫുദ്ധീൻ, സാജിദ സലിം, എ.എം.ഷാനവാസ് തുടങ്ങിയവർ പങ്കെടുത്തു.
