ശബരിമല: മണ്ഡല മഹോത്സവത്തിലെ നാല്‍പത്തിയൊന്ന് ദിനങ്ങളിലായി ശബരിമലയില്‍ ദര്‍ശനം നടത്തിയത് 32,49,756 ഭക്തര്‍.
2,97,06,67,679 രൂപയാണ് മണ്ഡല തീര്‍ത്ഥാടനകാലത്തെ ആകെ വരുമാനം. ദേവസ്വം ബോര്‍ഡ് പ്രസിഡന്റ് പി.എസ്. പ്രശാന്ത് പത്രസമ്മേളനത്തില്‍ അറിയിച്ചതാണിത്. കഴിഞ്ഞ വര്‍ഷം ഇതേ സമയം 28,42,447 ഭക്തരാണ് ദര്‍ശനം നടത്തിയത്. ഇത്തവണ മുന്‍വര്‍ഷത്തെക്കാള്‍ 4,07,309 ഭക്തര്‍ അധികമെത്തി. കഴിഞ്ഞ വര്‍ഷം മണ്ഡലകാല വരുമാനം 2,14,82,87, 898 രൂപയായിരുന്നു. 82,23,79,781 രൂപയുടെ വര്‍ധനവ് ഇത്തവണ
ഉണ്ട്.
5,66,571 ഭക്തരാണ് തത്സമയ ഓണ്‍ലൈന്‍ ബുക്കിങ് വഴി സന്നിധാനത്ത് എത്തിയത്. കഴിഞ്ഞ വര്‍ഷം 4,02,269 ഭക്തരാണ് തത്സമയ ബുക്കിങ്ങിലൂടെ ദര്‍ശനം നടത്തിയത്.
74,774 ഭക്തര്‍ പുല്‍മേട് വഴി ദര്‍ശനം നടത്തി. കഴിഞ്ഞ വര്‍ഷം 69,250 ഭക്തരായിരുന്നു പുല്‍മേട് വഴി സന്നിധാനത്ത് എത്തിച്ചേര്‍ന്നത്.
അരവണ ഇനത്തില്‍ 1,24,02,30,950 രൂപയയാണ് ഇത്തവണ ലഭിച്ചത്. കഴിഞ്ഞ വര്‍ഷം ഇത് 1,01,95,71,410 രൂപയായിരുന്നു. 22,06,59,540 രൂപയാണ് അധികം ലഭിച്ചത്. കാണിക്കയായി 80,25,74,567 രൂപ ലഭിച്ചു. കഴിഞ്ഞ വര്‍ഷം ഇത് 66,97,28,862 രൂപയായിരുന്നു. ഈ വര്‍ഷത്തെ വര്‍ധന 13,28,45,705 രൂപ.
