മനാമ : ബഹ്റൈൻ കരുവന്നൂർ കുടുംബം ( ബി. കെ. കെ ) അൽ ഹിലാൽ മെഡിക്കൽ സെന്ററിന്റെ സഹകരണത്തോടെ, അദിലിയയിലുള്ള മെഡിക്കൽ സെന്ററിൽ നടത്തിയ സൗജന്യ മെഡിക്കൽ ക്യാമ്പിൽ നൂറോളം പേർ പങ്കെടുത്തു.
പങ്കെടുത്ത എല്ലാവർക്കും സൗജന്യമായി രക്ത പരിശോധന നടത്തുവാനും, ഡോക്ടറെ കാണാനുമുള്ള സൗകര്യവും ഒരുക്കിയിരുന്നു.
മെഡിക്കൽ സെന്ററിൽ തന്നെ നടന്ന ചടങ്ങിൽ വേൾഡ് മലയാളി കൌൺസിൽ ജനറൽ സെക്രട്ടറിയും, ജീവ കാരുണ്യ പ്രവർത്തകനുമായ അമൽദേവ് ഒ. കെ, ബി. ടി. കെ. ജനറൽ സെക്രട്ടറി അനൂപ് ചുങ്കത്ത്, പ്രസിഡന്റ് ജോഫി നീലങ്കാവിൽ, ബഹ്റൈൻ കരുവന്നൂർ കുടുംബം മുഖ്യ രക്ഷാധികാരി ഷാജഹാൻ കരുവന്നൂർ, സെക്രട്ടറി അനൂപ് അഷറഫ്, പ്രസിഡന്റ് എം. പി. സിബി,അമൽ ബാലചന്ദ്രൻ, ഷിജിൻ വി രാജു (അൽ ഹിലാൽ മാർക്കറ്റിംഗ് എക്സിക്യൂട്ടീവ് ), ബിനോയ്‌ ബോബൻ, മുഹമ്മദ്‌ റിസ്വാൻ ( ബീകോ മണി എക്സ്ചേഞ്ച് ) എന്നിവർ പങ്കെടുത്തു സംസാരിച്ചു.
