മനാമ: സൽമാനിയ ചെമ്പഴന്തി കുടുംബ യൂണിറ്റിന്റെ 2024-2025 പ്രവർത്തന കാലഘട്ടത്തിലേക്കുള്ള ഏരിയാ യൂണിറ്റ് കമ്മിറ്റിയുടെ പ്രവർത്തന ഉദ്ഘാടനം ഇക്കഴിഞ്ഞ വെള്ളിയാഴ്ച മാർച്ച് 21 വൈകിട്ട് 7.30 ന് എസ് എൻ സി എസ് സിൽവർ ജൂബിലി ഹാളിൽ നടന്നു. പ്രമുഖ വ്യവസായിയും മെട്രോ ഗ്ലാസ് കമ്പനി ഉടമയുമായ ഗണേഷ് കുമാർ ഉത്ഘാടനം നിർവഹിച്ച ചടങ്ങിൽ ഏരിയ സെക്രട്ടറി അങ്കിത് സ്വാഗതവും, ഏരിയ കൺവീനർ അരുൺ കുമാർ ബി അധ്യക്ഷത വഹിച്ചു.
എസ് എൻ സി എസ് ചെയർമാൻ കൃഷ്ണകുമാർ ഡി, ജനറൽ സെക്രട്ടറി ശ്രീകാന്ത് എം എസ്, ഏരിയ കോർഡിനേറ്റർ സുനീഷ് സുശീലൻ, രക്ഷാധികാരി അജിത് കുമാർ കെ എന്നിവർ ആശംസകൾ അറിയിച്ചു സംസാരിച്ചു. കുട്ടികൾ അവതരിപ്പിച്ച വിവിധ കലാപരിപാടികളും പിങ് ബാംഗ് ബഹ്റൈൻ അവതരിപ്പിച്ച കരോക്കേ ഗാനമേളയും ചടങ്ങിനോട് അനുബന്ധിച്ചു നടന്നു. രാജേഷ് പെരുങ്കുഴി പരിപാടിയുടെ മുഖ്യ അവതാരകൻ ആയിരുന്നു. എസ് എൻ സി എസ് അസിസ്റ്റന്റ് സെക്രട്ടറി ഷൈൻ സി നന്ദിയും രേഖപ്പെടുത്തി.
