ന്യൂദല്‍ഹി: വനിതാ ചെസ്സില്‍ ലോക ഒന്നാം നമ്പര്‍ താരത്തെ തോല്‍പിച്ച് ഇന്ത്യയുടെ 19കാരി ദിവ്യ ദേശ്മുഖ്. ഈ നേട്ടത്തില്‍ ദിവ്യ ദേശ്മുഖിനെ അഭിനന്ദിച്ച് പ്രധാനമന്ത്രി മോദി.
ലണ്ടനില്‍ നടക്കുന്ന ലോക ബ്ലിറ്റ്സ് ചെസ് ചാമ്പ്യന്‍ഷിപ്പിലാണ് സെമി ഫൈനലില്‍ ദിവ്യ ദേശ് മുഖ് ലോക ഒന്നാം നമ്പര്‍ താരം ഹു യിഫാനെ തോല്‍പിച്ചത്. 74 നീക്കങ്ങള്‍ നീണ്ട കളിയ്‌ക്കൊടുവിലാണ് ദിവ്യ ചൈനക്കാരിയായ ലോക ഒന്നാം നമ്പര്‍ താരത്തെ അട്ടിമറിച്ചത്. തന്റെ ഒരു ആനയെ (ബിഷപ്പ്) ബലി കൊടുത്ത് ചൈനക്കാരി കാണിച്ച പിഴവ് മുതലെടുത്ത ദിവ്യ, ബിഷപ്പും റൂക്കും (ആനയും തേരും) തമ്മിലുള്ള എന്‍ഡ് ഗെയിമിലേക്ക് കളി എത്തിക്കുകയായിരുന്നു. റൂക്ക് സ്വന്തമായുള്ള ദിവ്യ, ചൈനക്കാരിയുടെ ആനയുടെ മേല്‍ എളുപ്പം ആധിപത്യം നേടി വിജയം കൊയ്തു. 2463 ഇഎല്‍ഒ റേറ്റിംഗേ ദിവ്യ ദേശ്മുഖിനെങ്കില്‍ യു ഹിഫാന്റെ ഇഎല്‍ഒ റേറ്റിംഗ് 2686 ആണ്.
Congratulations to Divya Deshmukh on defeating the World No. 1, Hou Yifan in the 2nd leg of Blitz semifinal at the World Team Blitz Championships, London. Her success highlights her grit and determination. It also inspires many upcoming chess players. Best wishes for her future… pic.twitter.com/mjdWO0llFT
— Narendra Modi (@narendramodi) June 19, 2025
നാഗ് പൂരില്‍ നിന്നും ചെസിലെ അത്ഭുത പ്രതിഭയായ ദിവ്യ ലോക ജൂനിയര്‍ ചെസ് ചാമ്പ്യന്‍ കൂടിയാണ്. ചെസ് ഒളിമ്പ്യാഡില്‍ മൂന്ന് തവണ സ്വര്‍ണ്ണം നേടിയ ദിവ്യ ദേശ്മുഖ് ഗ്രാന്‍റ് മാസ്റ്റര്‍ കൂടിയാണ്.
“ലോക ഒന്നാം നമ്പര്‍ ആയ ചൈനീസ് താരം ഹൂ യിഫാനെ തോല്‍പിച്ചതില്‍ അഭിനന്ദനങ്ങള്‍. നിശ്ചദാര്‍ഡ്യവും മനക്കരുത്തുമാണ് ദിവ്യയുടെ വിജയത്തിന് പിന്നില്‍. മറ്റ് പല ചെസ് താരങ്ങള്‍ക്കും പ്രചോദനമാണിത്”- പ്രധാനമന്ത്രി കുറിച്ചു. ഗുകേഷ് ലോക ഒന്നാം നമ്പര്‍ താരം മാഗ്നസ് കാള്‍സനെ ഈയിടെ നോര്‍വ്വെ ചെസ്സില്‍ തോല്‍പിച്ചതുപോലെ സമൂഹ മാധ്യമങ്ങള്‍ ദിവയുടെ വിജയത്തെയും ഏറ്റെടുത്തിരിക്കുകയാണ്.
