മാരുതി കാർ വാങ്ങാൻ പ്ലാനുണ്ടോ? ഉടൻ വാങ്ങിക്കോ! വില വീണ്ടും കൂടുമെന്ന് കമ്പനി

രാജ്യത്തെ പ്രമുഖ വാഹന നിർമ്മാതാക്കളായ മാരുതി സുസുക്കിയിൽ നിന്നും പുതിയ കാർ വാങ്ങാൻ ആഗ്രഹിക്കുന്നവർക്ക് നിർണ്ണായക വാർത്ത. മാരുതിയുടെ ജനപ്രിയ മോഡലുകളായ ചെറുകാറുകളുടെ വില ഉടൻ വർദ്ധിപ്പിച്ചേക്കുമെന്ന് കമ്പനി സൂചന നൽകി. സെപ്റ്റംബറിൽ ജിഎസ്ടി (GST) നിരക്ക് കുറച്ചതിനെത്തുടർന്ന് വാഹനങ്ങൾക്ക് നൽകിയിരുന്ന വമ്പിച്ച വിലക്കുറവ് പിൻവലിക്കുന്ന കാര്യത്തിലാണ് കമ്പനി ഇപ്പോൾ തീരുമാനമെടുക്കുന്നത്.

കഴിഞ്ഞ ഏതാനും മാസങ്ങളായി മാരുതിയുടെ ചെറുകാറുകൾക്ക് വിപണിയിൽ വൻ സ്വീകാര്യതയാണ് ലഭിച്ചത്. സെപ്റ്റംബറിലെ വിലക്കുറവിന് ശേഷം വിൽപ്പനയിൽ വലിയ വർദ്ധനവ് രേഖപ്പെടുത്തിയിരുന്നു. നിലവിൽ താഴെ പറയുന്ന മോഡലുകൾക്കായിരുന്നു മാരുതി വൻതോതിൽ വില കുറച്ചിരുന്നത്.

Also Read: ഭക്ഷണം മോശമായാൽ റെയിൽവേ കുടുങ്ങും! റെയിൽവേ കിച്ചണുകളിൽ സിസിടിവി വരുന്നു

എസ്-പ്രസ്സോ: 1,29,600 രൂപ വരെ

ആൾട്ടോ കെ10: 1,07,600 രൂപ വരെ

സെലേറിയോ: 94,100 രൂപ വരെ

വാഗൺആർ: 79,600 രൂപ വരെ

ഈ തന്ത്രപരമായ വിലക്കുറവ് തുടരണോ അതോ പഴയ നിരക്കിലേക്ക് മടങ്ങണോ എന്ന കാര്യത്തിൽ അടുത്ത 15-20 ദിവസത്തിനുള്ളിൽ തീരുമാനമുണ്ടാകുമെന്ന് മാരുതി സുസുക്കി മാർക്കറ്റിംഗ് ആൻഡ് സെയിൽസ് സീനിയർ എക്സിക്യൂട്ടീവ് ഓഫീസർ പാർത്ഥോ ബാനർജി വ്യക്തമാക്കി. നിലവിൽ ബുക്ക് ചെയ്ത് വാഹനം ലഭിക്കാൻ കാത്തിരിക്കുന്നവരെ ഈ വിലവർദ്ധനവ് ബാധിച്ചേക്കാം. എന്നാൽ അടുത്ത രണ്ടാഴ്ചയ്ക്കുള്ളിൽ ഡെലിവറി ലഭിക്കുന്നവർക്ക് പഴയ കുറഞ്ഞ നിരക്കിന്റെ ആനുകൂല്യം ലഭിക്കുമെന്നും അദ്ദേഹം കൂട്ടിച്ചേർത്തു.

The post മാരുതി കാർ വാങ്ങാൻ പ്ലാനുണ്ടോ? ഉടൻ വാങ്ങിക്കോ! വില വീണ്ടും കൂടുമെന്ന് കമ്പനി appeared first on Express Kerala.