ഇന്ത്യൻ സിനിമയിലെ പ്രിയപ്പെട്ട സൂപ്പർഹീറോ ചിത്രം ‘ക്രിഷ് 4’ പ്രതിസന്ധിയിലെന്ന് റിപ്പോർട്ടുകൾ. ചിത്രത്തിന്റെ ബജറ്റുമായി ബന്ധപ്പെട്ട് നായകനായ ഹൃത്വിക് റോഷനും നിർമ്മാതാവായ ആദിത്യ ചോപ്രയും തമ്മിലുള്ള അഭിപ്രായ ഭിന്നതയെത്തുടർന്ന് സിനിമയുടെ അണിയറ പ്രവർത്തനങ്ങൾ താൽക്കാലികമായി നിർത്തിവെച്ചതായാണ് വിവരം.
ഹൃത്വിക് റോഷൻ ആദ്യമായി സംവിധായകനാകുന്നു എന്ന പ്രത്യേകത കൂടി ഈ ചിത്രത്തിനുണ്ട്. 2026-ൽ ചിത്രീകരണം ആരംഭിക്കാനിരുന്ന സിനിമയുടെ വിഎഫ്എക്സ് ജോലികൾക്കായി ഏകദേശം 500 കോടി രൂപയുടെ ബജറ്റാണ് ഹൃത്വിക് ആവശ്യപ്പെട്ടത്. എന്നാൽ ബജറ്റ് 350 കോടിയിൽ ഒതുക്കണമെന്ന ആദിത്യ ചോപ്രയുടെ കർശന നിലപാടാണ് ചർച്ചകൾ വഴിമുട്ടാൻ കാരണമായത്. യഷ് രാജ് ഫിലിംസിന് പുറമെ മറ്റ് നിർമ്മാണ കമ്പനികളെ കൂടി സഹകരിപ്പിച്ച് ചിത്രം മുന്നോട്ട് കൊണ്ടുപോകാനുള്ള ശ്രമത്തിലാണ് ഹൃത്വിക് ഇപ്പോൾ.
Also Read:അല്ലു സിരീഷിന്റെ പ്രീ-വെഡ്ഡിങ് ആഘോഷങ്ങൾ ദുബായിൽ; തിളങ്ങി അല്ലു അർജുനും കുടുംബവും
2003-ൽ ‘കോയി മിൽ ഗയ’യിലൂടെ തുടങ്ങിയ ക്രിഷ് ഫ്രാഞ്ചൈസി ഇന്ത്യൻ സിനിമയിലെ തന്നെ ഏറ്റവും വലിയ വിജയങ്ങളിൽ ഒന്നാണ്. 2027-ൽ ചിത്രം പുറത്തിറക്കാനായിരുന്നു പദ്ധതിയെങ്കിലും നിലവിലെ സാഹചര്യത്തിൽ റിലീസ് നീണ്ടുപോയേക്കാം. ബജറ്റ് സമ്മർദ്ദങ്ങൾക്കിടയിലും മികച്ചൊരു സൂപ്പർഹീറോ അനുഭവം നൽകാനുള്ള തയ്യാറെടുപ്പിലാണ് അണിയറപ്രവർത്തകർ.
The post 500 കോടി വേണം; ഹൃത്വിക് റോഷന്റെ കടുംപിടുത്തത്തിൽ ‘ക്രിഷ് 4’ അനിശ്ചിതത്വത്തിൽ appeared first on Express Kerala.
